«О́zbekstan – halqy jaǵynan da, ekonomıkasy jaǵynan da Ortalyq Azııadaǵy úlken memleket. Bul elmen baılanys Qazaqstan úshin óte tıimdi, qajet. Qazir qarym-qatynasymyz túzelip kele jatyr. Bir jyldyń ishinde saýda-sattyq eki esege – bir mlrd-tan 2 mlrd-qa ósetin boldy. Biz О́zbekstannyń jańa Prazıdenti Mırzııoev myrzamenen 5 mlrd-qa jetkizemiz dep kelistik. Qazir Qostanaıda birikken elektr dvıgatelmen qozǵalatyn avtomobıl shyǵaryp jatyrmyz. Tashkentke poıyz, avtobýs júretin boldy. Ushaqtar usha bastady. Aınalyp ótetin joldardyń barlyǵy ashyldy. Eki aradaǵy saýda-sattyq, halyqtyń baılanysy qaýlap, ózgerip kele jatyr. Biz qoldaımyz», dedi Prezıdent.
Memleket basshysy eki el arasyndaǵy ejelden kele jatqan mádenı qarym-qatynastyń da damı túsýi úshin kelesi jyly Qazaqstanda О́zbekstannyń kúnderi ótetinin de atap ótti.
«Burynǵy bar qarym-qatynastyń zııaly qaýymnyń, jastardyń arasynda bolýy úshin kelesi jyly О́zbekstannyń kúnderi ótedi. Odan arǵy jyly О́zbekstandaǵy Qazaqstannyń kúnderi bolady. Bul kórshi memleketterdiń arasyndaǵy durys, tıimdi, kerek qarym-qatynas dep sanaý kerek», dedi Nursultan Nazarbaev.
