«Biz Grıgorıı Aleksandrovıch Marchenkonyń tusynda Chılıdi zerttep, tájirıbesin qoldanysqa engizdik. Endi jekemenshik kompanııalar zeınetaqy aqshasyn baqylaýǵa alyp, ózderiniń úlestes kompanııalaryna aýdarýmen boldy. Biz olardy jazalap, aqshany keri qaıtarýymyzǵa týra keldi. Olardy tolyq kúıde saqtaý úshin memleketke qaıtardyq. Memleket ony qaıda bólý kerektigine tolyqtaı jaýap beredi. Sebebi, zeınetaqy qarjysy da jumys isteý qajet qoı. Bul zeınetkerlerge de tıimdi. Biz ázirge bárin ortalyqtandyryp jatyrmyz. Ulttyq bank olardyń tolyq kúıinde saqtalýyna jáne artýyna jaýap beredi», dedi Prezıdent.
Memleket basshysynyń aıtýynsha zeınetaqy qoryn Qazaqstannyń ınfraqurylymyna jáne ındýstraldy jobalardy júzege asyrýǵa baǵyttalýy qajet.
«Eger qazaqstandyq ınfraqurylymdardyń damýyna bóler bolsaq, ol eshqaıda ketpeıdi, ózimizde qalady. Sebebi, zaýyt, fabrıka osynda. Ary qaraı zeınetaqy qoryn ne isteý qajet? Máselen, Norvegııanyń tájirıbesi tıimdi. Ol jaqta zeınetaqy qoryn Ulttyq qormen biriktirgen. Biryńǵaı qor boldy, áldeqaıda tıimdirek. Múmkin biz de osy jolmen júremiz. Biraq oǵan baqylaýdy memleket óz ýysynan shyǵarmaýy qajet. Memleket zeınetaqy qoryn baqylaýda ustaýy qajet», dedi Prezıdent.
