«Bılik tarmaqtaryn bólý isinde aıtarlyqtaı ilgeri jyljydyq dep esepteımin. Zań boıynsha Prezıdentke qarasty 35 ókilettik Parlament pen Úkimetke berildi. Osyndaıda Prezıdenttiń bolǵany jaqsy búkil isti moınyna arta salýǵa bolady. Eger birnárse bolmaı qalsa, usynys jasaýdyń ornyna ruqsat surap, «Prezıdent aıtty» deı salýǵa bolady», dedi Elbasy.
«Sovet úkimeti kezinde Máskeý bizdiń «qorǵanyshymyz» bolatyn. Ol kezde de birnárse jetpeı jatsa, baryp, surap, kelisýge bolady. Sondyqtan Úkimetke naqty isterge baılanysty ókilettik pen jaýapkershilikti kóbirek berý kerek. Parlamenttiń quqyǵyn arttyrýymyz qajet», dedi Elbasy.
Memleket basshysy kúmán ylǵı da bolatynyn, biraq osynyń arqasynda máseleniń sheshimin tabýǵa bolatynyn aıtty.
«Bizdiń zańdarymyz, sonyń ishinde negizgileri turaqty bolyp qala bermeıdi. Ýaqyt óte kele, zamannyń aǵymyna baılanysty ol ózgerip otyrýy tıis. Mundaı ózgeris osyǵan deıin de bolǵan. Sebebi, ýaqyt sony talap etedi. Alǵa qaraı jyljýymyz, damýymyz kerek. Halqymyzǵa qajet tusyn anyqtap, sol baǵytpen kelemiz. Eń bastysy Qazaqstan halqynyń kóńilinen shyqsa bolǵany», dedi Nursultan Nazarbaev.
Aıta keteıik, osy jyldyń naýryz aıynda Memleket basshysy «Qazaqstan Respýblıkasynyń Konstıtýsııasyna ózgerister men tolyqtyrýlar engizý» týraly Zańǵa qol qoıǵan bolatyn. Konstıtýsııanyń 19 babyna 26 túzetýler qarastyrylǵan.
