Onyń aıtýynsha, holdıng baǵdarlamanyń negizgi operatory bolyp tabylady jáne negizgi bes baǵyttyń tórteýin júzege asyrady.
«Olar – jergilikti atqarýshy organdardyń turǵyn úı qurylys jınaq júıesi arqyly kredıttik turǵyn úı salýy, buǵan deıin qabyldanǵan baǵdarlamalar boıynsha («Nurly jol», О́DB-2020) qurylystyń aıaqtalýy, halyqqa arnalǵan ıpotekanyń qoljetimdiligin arttyrý, jeke qurylys salýshylardy qurylysqa yntalandyrý. Holdıngtiń bes enshiles uıymy – «Damý» KDQ» AQ, «Qazaqstannyń turǵyn úı qurylys jınaq banki» AQ, «Qazaqstan ıpotekalyq kompanııasy» IU» AQ, «Báıterek development» AQ jáne «Turǵyn úı qurylysyna kepildik berý qory» AQ «Nurly jer» baǵdarlamasyn iske asyrýǵa qatysady», dedi Q.О́skenbaev.
Sonymen qatar ol turǵyn úı qurylys jınaǵy jelisi boıynsha Turǵyn úı qurylys jınaq banki júıesinde 492 mlrd teńge jınaq somasyndaǵy 1 023 shart bar ekenin tilge tıek etti.
«Olardyń ishinde 32 myń shartta salynǵan kredıttik turǵyn úı satyp alý úshin qajetti jınaqtyń 30 paıyzy bar. 2017 jylǵa qaryz berý 181 mlrd teńge kóleminde josparlanyp, jalpy somasy 256 mlrd teńgeni quraıtyn 37 myń qaryz berilgen. Bul jospardyń 141 paıyzy. Osylaısha, 2017 jyly berilgen ıpotekalyq teńgeniń tórtten úshin Qazaqstannyń turǵyn úı qurylys jınaq banki usynǵan», dedi ol.
О́skenbaev qurylystyń aıaqtalý baǵyty boıynsha buǵan deıin qabyldanǵan baǵdarlamalar sheńberinde josparlanǵan 554,3 myń sharshy metrdiń ornyna paıdalanýǵa 560,1 myń sharshy metr tapsyrylǵanyn jetkizip, úı qurylysy jospary artyǵymen oryndalǵanyn baıandady.
«Ipotekanyń qoljetimdiligin arttyrý baǵyty boıynsha, 2017 jylǵy mamyrdan bastap jańa baspana satyp alý úshin halyqqa ekinshi deńgeıdegi bankter beretin ıpotekalyq qaryzdardy sýbsıdııalaý tetigi iske qosyldy. Qarjy operatory bolyp Qazaqstan ıpotekalyq kompanııasy bekitilgen. Ol ıpotekanyń 16 paıyzynan jyldyq 6 paıyzǵa deıingi kólemin sýbsıdııalaıdy. Nátıjesinde tutynýshy úshin syıaqynyń túpkilikti mólsherlemesi jyldyq 10 paıyzdan aspaıdy. Aǵymdaǵy jyly jalpy somasy 15 mlrd teńge bolatyn, 1 myń ıpotekalyq qaryzdy sýbsıdııalaý josparlanýda», dedi Q.О́skenbaev.
Raýan QAIDAR,
«Egemen Qazaqstan»
