Otyrysta OSK múshesi, Konstıtýsııalyq sottyń burynǵy sýdıasy Borıs Ebzeev Ishki ister mınıstrliginiń aqparatyn oqyp, Alekseı Navalnyıdyń on jyl boıy kandıdat retinde tirkele almaıtynyn aıtty.
Buǵan deıin Alekseı Navalnyı Konstıtýsııada qamaýda bolǵan adam ǵana saılaýǵa túse almaıtynyn, óziniń shartty túrde sottalǵanyn aıtqan bolatyn. Al Ebzeev "Bizdiń aldymyzda kandıdat retinde tirkeý nemese tirkemeý týraly eshqandaı dıllema joq. Biz Konstıtýsııa negizinde osylaı isteýge májbúrmiz", dedi. OSK taǵy bir múshesi Ella Pamfılova Navalnyıdyń basqa qujattarynyń barlyǵy durys ekenin aıtty.
"Sizderge qarasam, ómir mereke sııaqty. Saılaýǵa qatysýǵa quqyǵy bar adamdar kelip, daýys beredi. Biraq olardyń saıası belsendiligi joq. Keıbir kandıdattar daýys jınaýǵa tyryspaıdy. Al keıbiri saılaý qorytyndysyn aldyn ala bilip otyrady. Men kóptegen saılaýshylardyń atynan kelip turmyn. Bul sheshim - mıllıondaǵan adamdardy saılaýǵa qatystyrmaıdy degen sóz", dedi A.Navalnyı.
A.Navalnyıdyń kandıdatýrasyn tirkeýge OSK-nyń 12 múshesi qarsy shyqty.
