Dáýren Abaev atap ótkendeı, Smart City tujyrymdamasy barlyq qalalyq qyzmetterdiń tıimdiligin arttyrýǵa baǵyttalǵan. Smart City mıssııasynyń negizi — adam jáne onyń qajettilikteri. Aqyldy qalanyń negizgi sıpattamalary — jaılylyq, qaýipsizdik, tıimdilik jáne qorshaǵan ortaǵa zııandy tómendetý.
«Sıfrlyq Qazaqstan» memlekettik baǵdarlamasynyń negizgi kórsetkishteriniń biri – elimizdiń bes iri qalasynda – Smart Astana, Smart Karagandy, Smart Ontystuk, Smart Almaty, Smart Aktobe sekildi Smart City-di damytý», — dedi Dáýren Abaev.
Atalǵan jobalardyń basty oryndaýshylary – óńirler ákimdikteri. «Aqyldy qalany» damytý turǵysynan olardyń jumysynyń negizgi basymdyqtary: óńir turǵyndarynyń ómir sapasyn jaqsartý; elektrondy túrdegi memlekettik qyzmetterdiń úlesin ulǵaıtý; Qazaqstan aımaqtarynyń Smart sity halyqaralyq reıtıngterine kirýi; JAO arhıtektýrasyn damytý; Smart city tujyrymdamasyna sáıkes bastamalyq jobalardy iske asyrý; G2G, B2B jáne G2B segmentterinde qaǵazsyz ózara árekettestikti yntalandyrý.
Mınıstr memlekettik baǵdarlama aıasynda «aqyldy qalalardyń» tıptik tujyrymdamasy ázirlengenin atap ótti. Onda ınternet zattar, jasandy zerde jáne t. b. sekildi aldyńǵy qatarly tehnologııalardy qoldanatyn jobalardyń tizimi keltirilgen. Sondaı-aq, qujat Smart City tehnologııalaryn engizýdiń negizgi qaǵıdalaryn, tásilderin, maqsattaryn, basymdyqtary men mindetterin anyqtaıdy.
«Jobalar memlekettik-jekeshelik áriptestik, aqparattandyrýdyń servıstik modeli, bıýdjettik qarjylandyrý jáne jeke ınvestısııalar sheńberinde júzege asyrylatyn bolady. Sonymen qatar jobalardy benchmarkıngti paıdalaný, ıaǵnı úzdik álemdik jáne otandyq tájirıbege baǵdarlaý arqyly júzege asyrý josparlanǵan», — dedi Dáýren Abaev.
Halyqaralyq standarttarǵa súıene otyryp, Qazaqstanda Smart City salasyndaǵy ulttyq standarttar ázirlenip, bekitildi. Olar energııa únemdeý, TKSh, kólik, bilim berý, densaýlyq saqtaý, qorshaǵan ortany qorǵaý jáne aqparattyq tehnologııalar salasyndaǵy ınnovasııalyq sheshimder esebinen, qaýipsizdik pen qyzmet kórsetýdiń joǵary deńgeıin qosa alǵanda, qalalyq prosesterdi ortalyqtandyrylǵan basqarýdyń túbegeıli jańa múmkindikterin, birtutas talaptardy retteıdi.
Aqparat jáne kommýnıkasııalar mınıstriniń aıtýynsha, «Collaborative Innovation» negizgi tetik bolady — memlekettik organdardyń jekemenshik uıymdarmen ózara is-qımyl formaty, onyń aıasynda birtindep jańa jetildirilgen sheshimder, tásilder jáne NQA qajetti ózgerister ázirlenedi.
Baıandamashy bul tujyrymdama Smart City-di engizý deńgeıine baılanysty qalalardy baǵalaý jumystaryn júrgizýdi usynatynyn atap ótti. Sonyń nətıjesinde, baǵalaýdyń tıisti shkalasy bar keste túrindegi engizý dárejesiniń kartasy ázirlenedi. Ár salaǵa QR standarttarynyń ındıkatorlary men kórsetkishterine sáıkes negizdelgen baǵa beriledi.
Astana qalasynyń ákimi Áset Isekeshev, Almaty ákimi Baýyrjan Baıbek jáne Qaraǵandy oblysynyń ákimi Erlan Qoshanov Smart City jobalaryn engizýdiń aımaqtyq tájirıbesi men iske asyrylý jaǵdaıy týraly baıandama jasady.
