Qurylys basqarmasy bıýdjettik baǵdarlama ákimshisi bolyp tabylatyn nysandar jaıyn tarqatyp aıtsaq.
Máselen, áleýmettik sala boıynsha óńirde 134 nysan qurylysy júrgizilýde. Onyń ishinde 82-si jańa bilim berý uıymdary bolsa, 39 densaýlyq saqtaý, 7-ýi mádenıet jáne sport, ózgede 6 nysan qurylysy.
Sala mamandarynyń aıtýynsha, joǵaryda atalǵan bilim oshaqtarynyń 79-y jańa mektep, al qalǵan 3-ýi kásiptik bilim berý uıymdary. Osy nysandardyń 27-niń qurylysy ótken jyly bastalǵan eken.
Qurylysy «Nurly jol» memlekettik baǵdarlamasy men respýblıkalyq, oblystyq bıýdjet qarjysynan júrgizilgen bilim nysandarynyń 32-si bıyl el ıgiligine berilse, qalǵan 50 bilim berý ǵımaraty keler jyly tapsyrlady dep josparlanýda.
Sonymen qatar, oblysta densaýlyq saqtaý salasynda 39 nysannyń qurylys jumystary júrgizilip, 34 nysan paıdalanýǵa berildi. Qalǵan 4 emhana men 1 dárigerlik ambýlatorııa qurylysy 2018 jylǵa ótpeli.
Al, mádenıet salasynda 4 nysan qurylysy júrgizilip, Saryaǵash pen Báıdibek aýdanynda mádenıet oshaqtary tapsyrylsa, qalǵan eki nysan qurylysy keler jyly el ıgiligine usynylady. Sondaı-aq, sport salasynda oblystyq bıýdjetten salynǵan úsh nysan qurylysy keler jyly tapsyrlady.
Budan bólek, Túrkistan qalasyndaǵy Qarashyq ózenindegi kishi sý qoımanyń qurylysy berilse, Otyrar aýdanyndaǵy Arys ózeniniń jaǵalaýyn qaıta qurý men Shymkent qalasynyń buryńǵy qoqys polıgony aýmaǵynda saıabaq salý, Túrkistan q. muraǵat ǵımaraty men ishki ister organdar obektisiniń qurylysy júrgizilip, keler jyly tapsyrlady dep josparlanýda. Sondaı-aq, Shymkent qalasyndaǵy 18,4 ga jer telimindegi qoqys qaldyqtaryn tastaý ornyn rekýltıvasııalaý arqyly qaıta qurý qurylys jumystary júrgizildi.
Qoryta aıtqanda bıylǵy jyly oblysta 32 mektep pen 34 densaýlyq saqtaý nysany, 2 mádenıet úıi men ózgede 2 nysan paıdalanýǵa berildi.
