Kórmeniń ashylý saltanatynda QR MOM dırektorynyń ǵylymı jumystar jónindegi orynbasary Ǵalııa Temirton, Qazaqstannyń eńbek sińirgen qaıratkeri Jumaqyn Qaırambaev, Qazaqstannyń eńbek sińirgen qaıratkeri, keskindeme, músin jáne dızaın fakýltetiniń dekany, professor Baýyrjan Baıdilda, Qazaqstannyń eńbek sińirgen qaıratkeri, keskindeme, músin kafedrasynyń meńgerýshisi, professor Bolat Turǵymbaı, Maqsat Álıev, kórmeniń qatysýshysy Elena Sharapova sóz alyp, kórmeniń ashylýymen quttyqtady.
kúndelikti jumysynda óz kórermenderin elimizdiń óner álemine qosylǵan jańa býyn ókilderimen tanystyrý arqyly talantty jastardyń shyǵarmashylyǵyn qoldap, qazirgi kezeńdegi ulttyq óner jetistikterin nasıhattaýǵa úles qosyp kele jatqan mýzeıdegi bul kórmede Temirbek Júrgenov atyndaǵy Qazaq Ulttyq О́ner Akademııasy stanoktyq keskindeme sheberhanasynyń jetekshisi, professor Jumaqyn Qaırambaevtyń shákirtteri Elena Sharapova, Marına Korkýt, Nazerke Ilııasova, Nargız Muhametqalına, Shahıza Qýanyshbekova, Janat Seıthamzauly syndy sýretshilerdiń beıneleý óneriniń peızaj, natıýmort, grafıka janrynda oryndalǵan qylqalam týyndylary, sonymen qatar sándik-qoldanbaly óner nusqalary, tekstıl - qazirgi kıim úlgileri usynyldy.
Jurtshylyqtyń úlken qyzyǵýshylyǵyn oıatqan «Týǵan jer tynysy» atty atalmysh kórmege sondaı-aq, joǵarǵy oqý oryndarynyń oqytýshylary men stýdentteri, ónertanýshylar, arheologtar, shyǵystanýshylar, fotosýretshiler, sýretshiler men basqa da ǵylym, mádenıet jáne óner qaıratkerleri kóptep keldi.
Kórme 2018 jyldyń 8 qańtaryna deıin jalǵasady.
Mıra BAIBEK,
«Egemen Qazaqstan»
ALMATY
