Bilim salasynyń qyzmetkerleriniń mártebesin kóterý, pedagog qyzmetkerlerdiń eńbegin memlekettik qoldaý men yntalandyrýdy kúsheıtý maqsatyndaǵy baıqaýǵa óńirdiń ár túkpirindegi 33 bilim berý uıymynan 122 pedagog qujattaryn usynǵan. Oblys ákimi janyndaǵy saraptaý komıssııasy músheleriniń sheshimimen jeńimpazdar anyqtaldy.
Saltanatty keshte sóz alǵan oblys ákimi Eraly Toǵjanov: «Jańa Jyl qarsańynda rýhy taza, oı-órisi bıik, barlyq ýaqytta óz tuǵyrynda qala beretin tekti tulǵa – ustazdardy marapattaýǵa arnalǵan búgingi saltanatty mereke qutty bolsyn! «Qyran túlegine qaıtpas qanat syılaıdy, ustaz shákirtine talmas talap syılaıdy» degendeı, muǵalim qaı kezde de bilim ordasynyń júregi, qoǵamnyń tiregi. El damýynyń keleshegin kóregendikpen meńzep otyratyn Elbasymyz Nursultan Ábishuly Nazarbaev «Bolashaqqa baǵdar: Rýhanı jańǵyrý» baǵdarlamalyq maqalasynda atap ótkendeı: birinshiden, ulttyq qundylyqtardy saqtaı otyryp, básekege qabiletti jańa urpaq býynyn qalyptastyrý; ekinshiden, jastardyń sanasyna Uly dala eliniń perzentteri ekenin, eline degen súıispenshilikti, tiline degen qurmetti sińirtý. Úshinshiden, kózqarasy aıqyn, parasaty bıik oqýshy tárbıeleý, barshamyzdyń mindetimiz. Endeshe, osyndaı rýhy bıik urpaq tárbıeleýdegi eńbekterińizge shyǵarmashylyq tabys, qajymas qaırat tileımin!»,-dep óz tilegin jetkizdi.
Bıyl Mańǵystaý oblysynda 9 mekteptiń qurylysy bastalyp, 26 balabaqsha ashylǵan. Bóbekjaıdyń 96%-y (25 balabaqsha) jekemenshik úlesine tıesili. 3-6 jas aralyǵyndaǵy balalardy balabaqshamen qamtý bıylǵy jyly 93%-dy qurap, kelesi jyly osy kórsetkishti 100% - ǵa jetkizý josparlanǵan. Bilim salasynda memlekettik-jekemenshik áriptestik mehanızmi boıynsha 8 joba qolǵa alynǵan.
Jergilikti bıýdjet qarjysyna jaratylystaný pánderiniń 300 aýyl muǵalimi aǵylshyn tilin meńgergen. Oblys ákimdiginiń qoldaýymen 50 mektep basshysy menedjment boıynsha magıstrlik bilim alýda.
Oblystyń 30 mektebinde oqýshylarǵa kásipkerlik negizderin úıretý baǵytynda arnaıy kýrs bastalatyn bolady. Búginde 30 muǵalim arnaıy daıyndyqtan ótken. «Rýhanı jańǵyrý» baǵdarlamasy aıasynda alǵash ret oblystaǵy barlyq bilim berý uıymdarynda «Jasyl mektebim - jasyl mekenim» atty jobasy arqyly barlyq mektep janynan jylyjaılar salynbaq. Saıys qorytyndysy boıynsha myna nomınasııany ıelengen ár bilim berý uıymdaryna 1 mln. teńgeden tabystaldy:
- «Úzdik qosymsha bilim berý uıymy» - Aqtaý qalasy «Oqýshy»
ortalyǵy;
- «Úzdik tehnıkalyq jáne kásiptik bilim berý uıymy» - Beıneý
polıtehnıkalyq kolledji;
- «Úzdik mektepke deıingi uıymy» - Aqtaý qalasy №22 balabaqsha
«Altyn besik»;
- «Úzdik aýyl mektebi» - Munaıly aýdany «Qyzyltóbe lıseıi»;
- «Úzdik qala mektebi» - Aqtaý qalasy №11 mamandandyrylǵan fızıka
matematıka mektebi.
10 nomınasııa boıynsha ár pedagogqa 500 myń teńgeden tabystaldy:
- «Úzdik shyǵarmashyl maman» - Atalyqov Iаkýb Qaıyruly;
- «Úzdik pedagogıkalyq jańa ıdeıalar» - Tıtınov Qaırat Úsenuly;
- «Úzdik arnaıy bilim berý sheberi» - Shaǵanova Ońaıgúl;
- «Úzdik tehnologııalardy qoldanýshy» - Baenbaeva Gúldarıga
Qurmanbaıqyzy;
- «Úzdik ulttyq dástúrdi nasıhattaýshy» - Sáýlebaı Juldyz
Qosqalıqyzy;
- «Úzdik jetistikter sheberi» - Qarasartov Jumahan Kenjebaıuly;
- «Úzdik qosymsha bilim berý sheberi» - Bitimova Tamara
Dúısenbaıqyzy;
- «Úzdik daryndy balalar jetekshisi» - Súleımenova Qarlyǵash
Amangeldiqyzy;
- «Úzdik ádistemeni usynýshy» - Aımaǵambetova Sánim Bısenbaıqyzy;
- «Úzdik polıglot muǵalim» - Kulmyrzaeva Aıgúl Álimbaıqyzy;
«Úzdik jyl pedagogy» nomınasııasy boıynsha – Aımanov Baýyrjan Saǵıdollauly ákim oblysy E. Toǵjanovtyń arnaıy marapatyna ıe bolyp, 1 mln. teńge sertıfıkat aldy. Baýyrjan Saǵıdollauly Túpqaraǵan aýdany Aqshuqyr mektep-lıseıiniń tarıh páni muǵalimi. «Túrkistan-20» halyqaralyq baıqaýynyń, «Úzdik ǵylymı baıandama avtory» nomınasııasynyń ıegeri, «О́lketaný» oqýlyǵynyń avtory, «Qazaq tarıhy», «Qazaqstan tarıhy» respýblıkalyq ádistemelik basylymdardyń úzdik oqyrmany jáne maqalalar avtory. 11 oqýshysy oblystyq, 9 oqýshysy respýblıkalyq pándik olımpıadanyń júldegeri.
Sonymen qatar, oblys ákimi 10 pedagogqa Mańǵystaý oblysy ákiminiń Qurmet gramotasy men Alǵysy, QR Bilim jáne ǵylym mınıstrliginiń Qurmet gramotasy men Alǵysyn tapsyrdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
