Qazaq ádebıetinde ózindik orny bar aqyn, aýdarmashy, balalar ádebıetiniń ókili Qaırat Jumaǵalıev ómiriniń sońǵy kezeńin týǵan jeri – Batys Qazaqstan oblysynda, Oral qalasynda ótkizgen edi. 2009 jyldan dúnıeden óter 2013 jylǵa deıin «Jaıyq Press» JShS-nda ardagerler keńesiniń tóraǵasy, bas dırektordyń keńesshisi bolyp qyzmet atqardy. О́ńir jastarymen, oqý oryndary stýdentterimen, oqýshylarymen únemi kezdesip, taǵylymdy áńgimelerimen jas urpaqty tárbıeleýge úles qosty. Aqynnyń «Jaryq dúnıe», «Kıe» atty sońǵy kitaptary da osy Oral qalasynda dúnıege keldi.
Bıyl Qaırat Jumaǵalıevtiń týǵanyna 80 jyl. Aqynnyń dúnıeden ótkenine tórt jyl bolsa da, Oral qalasynda jyl saıyn onyń esimin el jadynda jańǵyrtar sharalar júıeli ótip júr. Qaırat Jumaǵalıev atyndaǵy aqyndar músháırasy dástúrli baıqaýǵa aınaldy. Endi mine, qalamgerdiń sońǵy qyzmet ornynyń qabyrǵasynda «Bul ǵımaratta aqyn Qaırat Jumaǵalıev 2009-2013 jyldar aralyǵynda qyzmet atqardy» degen eskertkish taqta ornatyldy. Bolashaqta oblys ortalyǵy kósheleriniń birine aqyn esimin berý máselesi de kóterilip jatyr.
Búgingi shara – eskertkish taqtanyń ashylýyna QR AShM Agroónerkásiptik keshendegi memlekettik ınspeksııa komıteti BQO aýmaqtyq ınspeksııasynyń basshysy Lavr Haıretdınov pen «Jaıyq Press» JShS bas dırektory Jantas Safýllın muryndyq bolǵan eken. Saltanatty oqıǵaǵa arnaıy kelgen aqynnyń jary Sofııa Nyǵmetollaqyzy tebirene sóz sóılep, qalamgerdiń rýhyna baǵyshtalǵan qurmetke rızashylyq bildirdi.
Eskertkish taqtanyń ashylýyna aqyn, Qazaqstan Jazýshylar odaǵy BQO bólimshesiniń tóraıymy Aqushtap Baqtygereeva, Qazaqstan Jazýshylar odaǵynyń múshesi, jazýshy Sara Latıeva, ardager ólketanýshy Jaısań Aqbaı t.b. qonaqtar qatysyp, aqyn týraly estelikterimen bólisti. Stýdentter aqyn óleńderin jatqa aıtyp, ánshiler «Anashym» ánin shyrqady. Shara sońynda ǵımarat qabyrǵasynda dastarhan jaıylyp, arnaıy pisirilgen
Qazbek QUTTYMURATULY
«Egemen Qazaqstan»
Oral
Sýretti túsirgen Temirbolat TOQMÁMBETOV
