Stansııada barlyǵy janarmaıy, gaz jáne dızeldik otyny bar 16 baǵana ornatylǵan. Olardyń tórteýi elektr karlardy qýattaýǵa arnalǵan.
«Jańa janarmaı quıý stansııasynyń klıentteri elektr mobılderdi qýattaı alady. Qýattaý ýaqyty 40-tan 60 mınýtqa deıin jalǵasady», - «Astana ÁKK UK» AQ-nyń ınvestısııalyq jobalar departamenti dırektorynyń orynbasary Artem Kvashýk.
Elordadaǵy jańa janarmaı stansııalarynyń qurylysy «Astana ÁKK UK» AQ men «Autogas Retail» JShS arasyndaǵy birlesken jobanyń aıasynda júrgizilip jatyr.
«Joba jańa formattaǵy janarmaı quıý stansııalary keshenin salýdy qarastyrady. Mundaı stansııalar kóptegen qyzmetterdi kórsetedi. Klıentter bul jerde, sondaı-aq, ózderiniń elektr mobılderin de qýattaı alady», - dedi A. Kvashýk.
Sonymen qatar, janarmaı quıý stansııasy birneshe kún paneliniń esebinen jaryqtandyrylady.
«Mundaǵy qýat kózderin tutyný energııa únemdeýshi shamdardyń esebinen tıimdi bolmaq», - dep atap ótti ol. Jańa janarmaı quıý kesheni - birlesken joba aıasynda ashylǵan alǵashqy stansııa. Kelesi jyldyń qańtarynda osyndaı eki stansııa jumysyn bastaıtyn bolady.
