Medısınalyq jańa nysan - omyrtqa men býyn joldary aýrýlarynyń aldyn alý jáne ońaltý qyzmetterin júzege asyrady.Ortalyq táýligine 80 naýqasqa medısınalyq qyzmet kórsetýge qaýqarly. Dárigerlik jáne medbıkelik is boıynsha 12 mamandy jumyspen qamtyp otyr. Ǵımarattyń qurylysyna 700 myń AQSh dollary jumsalǵan.
Memlekettik emdeý-saýyqtyrý uıymdarymen qatar, jekemenshik emhanalardyń básekege qabiletti bolýy - halyqqa kórsetiletin medısınalyq kómektiń sapasyn arttyrady. Sondyqtan aımaqta osyndaı uıymdar jyl sanap artýda. Sonyń biri – «Neıron» jaýapkershiligi shekteýli seriktestigi. Búgin atalmysh ortalyq órisin keńeıtti.
Bútindeı qos shaǵynaýdan jurtshylyǵyna 5 jyldan beri memlekettik saqtandyrylǵan tegin medısınalyq kómek kórsetetin jetekshi ortalyq - 4 qabatty jańa, zamanaýı ǵımaratta qyzmetin jalǵastyrmaq.
«Neıron» medısınalyq ortalyǵynda 285 maman halyq ıgiligine qyzmet etýde. Onyń 25-i arnaıy shaqyrtylǵan dárigerler, 2 medısına ǵylymdarynyń kandıdaty. Sonymen qatar, jańa ǵımaratty paıdalanýǵa berý arqyly, qosymsha 50 jańa bos jumys ornymen tolyqty.
-Elbasy Nursultan Ábishuly Nazarbaev usynǵan Ulttyq jospar men baǵdarlamalar negizinde, eldegi medısına salasy damýdyń jańa kókjıeginde. Bıyldan bastap Qazaqstan aýmaǵynda Mindetti medısınalyq saqtandyrý júıesi iske asyrylsa, medısınalyq kómektiń sapasyn arttyrýdaǵy basty qural retinde – memlekettik-jekemenshik áriptestik aıasy ulǵaıa túsýde. Aımaqtaǵy emdeý-saýyqtyrý isinde saqtandyrylǵan tegin medısınalyq kómek negizinde birqatar jekemenshik uıymdar halyqqa dárigerlik kómek kórsetýdi bastap ketti. Solardyń qatarynda, «Neıron» jaýapkershiligi shekteýli seriktestiginiń áleýeti zor. Búginde Aqtaý qalasynyń 4 myńnan astam turǵynyn qamtıtyn medısınalyq keshen, jańa ǵımaratqa kóshý arqyly bul, kórsetkishti 15 myńǵa jetkizýdi josparlap otyr.Atap ótetin bir jáıt, sońǵy jyldary ortalyq balalardaǵy serebraldy paralıch syrqatyna asa mán berip, ońaltý bólimshesin ashty. Qyzmettiń sapasyn baqylaý maqsatynda «Kool-ortalyq» jumys jasaıdy» dedi oblys ákimi E.Toǵjanov.
Sondaı-aq, búgin kekýshınkaı karateden áskerı aýla klýby ashyldy. Jańa nysannyń negizgi baǵyty - kekýshınkaı karate sportyn damytý jáne ósip kele jatqan óskeleń urpaqqa nasıhattaý, sportshylarǵa, qala turǵyndarǵa sportpen aınalysýǵa jaǵdaı jasaý bolyp tabylady. Zalda kúnine 100 adam jattyǵa alady. Kúnine 5 adamdy jumyspen qamtyǵan nysannyń qurylysyna 10 mln.teńge jumsalǵan.
2017 jyly Aqtaýda «Mańǵystaý Arena», «Batyr», «Melovoı» sekildi sport keshenderiniń salynǵan bolatyn. Qazirgi tańda Aqtaý qalasynda jastardy sportqa baýlý maqsatynda vorkaýt alańdary jáne de demeýshiler arqyly kóshe trenajerleri salynýda.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
