Sodan beri materıaldyq, balany emdetý úshin qarjylaı qıyndyqtarǵa kezikken otbasyǵa Aqtaý qalasynan eki bólmeli páter kilti tabystaldy.
Balǵynbektiń januıasynda barlyǵy 8 bala bar. Osyǵan deıin Beıneý aýdanynda apattyq úıde turǵan kóp balaly otbasynda jýyrda ǵana úshem dúnıege keldi.
Balǵynbektiń em alýy úshin ákesi Balǵazy Serikbaev Aqtaý qalasyna páter jaldap, ýaqytsha turýǵa májbúr bolǵan. Endi Balǵynbektiń tezirek jasandy qol salyp, qatarǵa qosylýyn qalaıtyn ol qarajat jınaýǵa kómektesken halyqqa, páter bergen oblys basshylyǵyna alǵysyn aıtty. Olardyń qýanyshyn bólisip, quttyqtaýǵa arnaıy Olımpıada júldegeri Ádilbek Nııazymbetov te keldi.
Balǵynbektiń ata-anasy men týystary ulynyń qolyna protez salýǵa qol ushyn sozýǵa qaıyrymdy jandardan kómek surap, emine qajetti qarajat jınady. 2018 jyldyń qańtar aıynda Reseıdiń dárigerleri Balǵynbekke jasandy qol ornatpaq. Endi qatarǵa qosylyp, óz qajettiligin ózi jasaı alatyndaı dárejege jetse, oqýyn Aqtaýda jalǵastyrady» dep úmittenýde.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
