Memleket basshysy keshke qatysýshylarǵa arnaǵan sózinde Jańa jyl merekesi árdaıym kóterińki kóńil-kúı men baqytty bolashaqqa degen úmit syılaıtynyn atap ótti.
– О́tip bara jatqan jyl jarqyn jáne aýqymdy oqıǵalarymen este qalady. Qysqy Ýnıversıada men halyqaralyq EKSPO-2017 kórmesi qazaqstandyqtarǵa jáne sheteldik qonaqtarǵa sport pen tehnologııanyń tamasha merekesin tartý etti. Biz Islam Yntymaqtastyǵy Uıymynyń sammıtin joǵary deńgeıde ótkizdik, – dedi Qazaqstan Prezıdenti.
Elbasy BUU Qaýipsizdik Keńesinde elimizdiń beıbit bastamalaryn ilgeriletý máselelerine jáne aldaǵy jyly Qazaqstannyń osy halyqaralyq uıymǵa tóraǵalyq etýiniń perspektıvalaryna erekshe toqtaldy.
– Bul – álemniń eki júzge jýyq eliniń jas memleketke bildirgen aıryqsha senimi. Kelesi jyly Qazaqstanda Álemdik jáne dástúrli dinder kóshbasshylarynyń sezi, Azııadaǵy ózara yqpaldastyq jáne senim sharalary jónindegi keńes, sondaı-aq basqa da kóptegen mańyzdy is-sharalar ótedi. Bul jeńisterdiń barlyǵy – árqaısymyzdyń kúsh-jigerimiz ben qajyrly eńbegimizdiń nátıjesi. Árbir azamatymyz Qazaqstannyń jetistikterine qatysy bar ekenin sezingeni mańyzdy, – dedi Memleket basshysy.
Sońynda Nursultan Nazarbaev keshke qatysýshylardy kele jatqan jańa 2018 jylmen quttyqtap, barsha qazaqstandyqtarǵa zor densaýlyq, qýanysh pen shattyq tiledi.
– Bárimizdiń úıimiz meıirim shýaǵyna bólenip, baq-berekege toly bolsyn! – dedi Qazaqstan Prezıdenti.
Jańajyldyq baldy ótkizýden túsken qarajat qaıyrymdylyq maqsatqa baǵyttalatyn bolady.
