Depýtat Jalańash aýylynda 150 múıizdi iri qara malyna arnalǵan «Táttibek» sharýa qojalyǵynyń bordaqylaý alańynda boldy. R. Ábdikerov sharýashylyq basshysy G. Meıirmanovamen óndiristi ulǵaıtýdyń jáne mal shaýrýashylyǵy salasynyń eksporttyq áleýetin arttyrýdyń keleshegin talqylady.
Senator Jıdebaı aýyldyq okrýginde byltyr ashylǵan otbasylyq ambýlatorııanyń jumysymen tanysty. Aqtoǵaı aýylynda K. Baıseıitova atyndaǵy orta mekteptiń muǵalimder ujymymen kezdesti. Júzdesýde Memleket basshysy N.Nazarbaevtyń «Bolashaqqa baǵdar: rýhanı jańǵyrý» atty maqalasy basty taqyryp boldy. R. Ábdikerov muǵalimderge Parlament qabyldaǵan jańa zańdardyń mazmuny týraly da aıtty.
Senator sol kúni aýdandyq máslıhat depýtattarymen, atqarýshy bılik organdarynyń ókilderimen, quqyq qorǵaý organdarynyń qyzmetkerlerimen, ardagerlermen jáne qoǵamdyq uıymdar basshylarymen de kezdesti.
