Kitaphananyń kitaphana prosesterin avtomattandyrý bóliminiń meńgerýshisi Baqtygúl Baqytjanqyzy Elbasy Nursultan Nazarbaevtyń «Táýelsizdik dáýiri» kitabynyń elektrondy nusqasy jaryq kórgenin, bul týraly Aqordanyń feısbýktaǵy resmı paraqshasy men týyndynyń elektrondy úlgisi akorda.kz saıtyndaǵy Memleket basshysynyń derbes paraqshasyna ornalastyrylǵandyǵynan habardar etti.
Kitapta «qazaqstandyq damý úlgisiniń» tabıǵaty men onyń evolıýsııasy, basty ustanymdary men qozǵaýshy kúshteri saralanǵan. Qazaqstandy jańǵyrtýdyń úsh tolqyny keńinen ashyp kórsetilgen. Birinshi jáne ekinshi jańǵyrtý aıasynda totalıtarlyq júıeden túbegeıli ajyrap, naryqtyq ekonomıkany qurý jáne básekege barynsha qabiletti elý eldiń qataryna qosylý mindeti merziminen buryn oryndaldy. Úshinshi jańǵyrtýdyń maqsaty – elimizdi qalyptasqan jańa jahandyq ahýal jaǵdaıynda jańǵyrta otyryp, álemdegi eń ozyq 30 memlekettiń qataryna qosý», dep kitaptyń tarıhyndaǵy mazmunyn óz oqyrmandaryna jetkizdi.
Aqtóbe oblystyq úkimettik emes uıymdar qaýymdastyǵynyń prezıdenti Aıgúl Egizbaıqyzy týyndyda táýelsizdik kezeńindegi tarıhtyń barlyq salasy, ómirdiń barlyq salasy qamtylǵandyǵyn aıtyp ótti. Al oblystyq ishki ister departamentiniń memlekettik til jáne baspasóz bóliminiń qyzmetkeri Nurgúl Qonaqbaeva, Prezıdentimizdiń bul eńbegi burynǵy eńbekterinen ózgeshe. Sebebi barlyq salalardy úlken úsh kezeńge bólip qaraǵandyǵyn quptap jáne kitaphana qyzmetkerleri Aqtóbe oblysy boıynsha birinshi bolyp tanystyrdy dep alǵysyn jetkizdi.
S.Jıenbaev atyndaǵy oblystyq jasóspirimder kitaphanasynyń dırektory Gúljaınar Nárenqyzy bul tarıhı týyndyny áli de keń kólemde nasıhattaý kerek ekenin jáne ol qalyń kópshilik oqyrmannyń kóńilinen shyǵady degen senimde ekenin aıtty.
Úrjan QURMANQYZY,
S.Jıenbaev atyndaǵy oblystyq jasóspirimder kitaphanasy
dırektorynyń orynbasary
AQTО́BE
