– Myna turǵan ardagerler bólmesi aýdan ákimi Serik Zaınýldınniń bastamasy boıynsha jasaldy. Ishine kúrdeli jóndeý jasap, teledıdar, qajetti jabdyqtar ornalastyrdyq. Aýdannyń órkendeýine erekshe úles qosqan qarııalar osynda ornalasyp, qajetti em-domyn alady, barlyǵy tegin. Myna turǵan perzenthanaǵa jańa qýatty qural-jabdyqtardy ornattyq. Bizde perzenthana, terapııa, jansaqtaý, balalar, gınekologııa, hırýrgııa, juqpaly aýrýlar bólimi qyzmet kórsetedi. Aýdandyq aýrýhanada 100 dáriger, 331 orta býyn qyzmetker bar. Barlyǵy 629 adam qyzmet etedi. Mekemege qarasty 39 emdeý-saýyqtyrý oryndary, 16 medısınalyq pýnkt, 6 feldsherlik-akýsherlik, 15 dárigerlik-ambýlatorııa, Taskeskendegi ortalyq aýrýhana, Maqanshydaǵy aýdanaralyq ortalyq aýrýhana óńirdiń 80 myńnan astam adamyna medısınalyq qyzmet kórsetedi, – deıdi bas dáriger.
Aýrýhanany aralap shyqqanda tazalyqqa erekshe kóńil bólinetinin ańǵardyq. Syrqat jandar jatatyn palata tap-taza. Keń ári jaryq palatalarda 2-3, 4-5 kisi ǵana jatady.
Bas dárigerdiń aıtýynsha, sońǵy eki-úsh jylda «Paryz» qory boıynsha 148 mıllıon, oblystyq bıýdjetten 30 mıllıon teńge qarjy bólinip, zamanaýı apparattar satyp alýǵa jumsalǵan kórinedi. Al ol qandaı qondyrǵylar degenge kelsek, tek Astana men Úrjarda ǵana bar ish qurylysy (vıdeogastro) jáne koronoskopııa apparattary. Jansaqtaý bólimindegi narkoz beretin qondyrǵy Ońtústik Koreıadan ákelinipti. Onyń baǵasy – 12,5 mıllıon teńge. Rentgen apparaty – 6 mıllıon, jańa aıtylǵan qos jabdyqqa 11,5 mıllıon teńge jumsalǵan kórinedi. Onyń syrtynda júkti áıelderdi, asqazan, basqa da syrqattardy tekseretin ÝZI qondyrǵylaryna qyrýar qarjy jumsalǵan.
– Elbasynyń «Bolashaqqa baǵdar: rýhanı jańǵyrý» maqalasynda el azamattarynyń sergek te salamatty ómir súrýi jaıly erekshe aıtylǵan. Aýrýhana qyzmetkerleri maqala jarııalanysymen ony qyzý talqylady. Aýdanda jańa týylǵan sábılerdiń sońǵy jyldary kóbeıgeni sóz boldy. Bizde aı saıyn 55-60 sábı dúnıege keledi, bir jylda 730 bala týǵan. Byltyr 600-deı sábı dúnıege keldi. Onyń ústine aýrýhanany jóndeýge, kir jýatyn orynǵa, qazandyq ornatýǵa, qaldyq zattardy tazartatyn qondyrǵyǵa 270 mıllıon teńge jumsaldy.
«Dıplommen – aýylǵa!» baǵdarlamasy boıynsha sońǵy tórt jylda 38 dáriger Úrjar aýrýhanasyna qyzmetke ornalasqan. Aýdan ákiminiń granty boıynsha 21 bala Semeı medısınalyq ýnıversıtetine oqýǵa túsipti. Bıyl 10 jas maman týǵan aýylyna kelip, qyzmetke ornalasty. Joldamamen kelgenderge 158 myń teńge kóterme syılyq, páter beriledi. «Dıplommen – aýylǵa!» baǵdarlamasymen kelgen Qymbat Musaeva qazir bólimshe meńgerýshisi bolsa, Almatydaǵy Asfendııarov atyndaǵy medısınalyq ýnıversıtetti bitirip kelgen Marsel Alıev terapevt bolyp qyzmet etýde. Olar ózderine barlyq jaǵdaıdy jasaǵan aýrýhana basshysyna rıza.
Ońdasyn ELÝBAI
Shyǵys Qazaqstan oblysy,
Úrjar aýdany
