Bul oraıda, jumyssyz júrgen azamattardy arnaıy baǵdarlamamen shaǵyn kásipkerlikke tartý, oqytý mańyzdy. Búginde oblysta 15 kishi bıznes jobalary ázirlengen. Iаǵnı, 44 myń adamdy shaǵyn kásipkerlikke tartý kezinde daıyn modýldi kishi bıznes jobalar birge usynylmaq. Úkimettiń onlaın rejimde ótken selektorlyq otyrysynda baıandama jasaǵan Ońtústik Qazaqstan oblysynyń ákimi Janseıit Túımebaevtyń málimdeýinshe, bul jumyssyzdyqty azaıtýda mańyzdy shara bolǵaly tur. О́ńir basshysynyń aıtýynsha, byltyr 37,7 myń adam nátıjeli jumyspen qamtý baǵdarlamasyna tartylǵan. Joǵaryda aıtylǵan keshendi jospardyń 50 paıyzy eńbekke jaramdy azamattarǵa turaqty kásip berýge baǵyttalady. Sonyń negizinde 44 myń adamdy jumysqa tartý josparlanyp otyr. Al «О́rleý» jobasy aıasynda ótken jyly ońtústikqazaqstandyq 17 myń otbasy 36 myń iri qara men ýaq mal alsa, 757 otbasyǵa 36 myń qus úlestirilgen. Sondaı-aq, 3 myńǵa jýyq otbasyǵa kásipkerlikpen aınalysýy úshin qajetti qural-jabdyqtar berilgen.
Bıyl negizgi basymdyq halyqty turaqty jumyspen qamtý máselesine bólinip otyr. Oblys ákiminiń aıtýynsha, bul rette memlekettik jáne salalyq baǵdarlamalar sheńberinde 866 joba boıynsha 46 myń jańa jumys ornyn ashý josparda bar. Byltyr óńirimizde 16 myń 743 adam kásibı jáne qysqa merzimdik oqýǵa joldansa, osy azamattardyń 67 paıyzy turaqty jumysqa ornalasypty. Sondaı-aq, ótken jyly oblysta «Ár aýylǵa óz sheberi» atty aksııasy aıasynda 15 mamandyq negizinde 9 myńǵa jýyq azamat qysqa merzimdik oqý kýrsynan ótip, aýyldy jerlerge jumysqa kirisken. Bıyl osy joba negizinde taǵy da 7 myń azamatty oqytý kózdelýde.
Ǵalymjan ELShIBAI,
«Egemen Qazaqstan»
