Oblystyq ákimdik pen ulttyq sport túrleri federasııasy birlesip uıymdastyrǵan dodanyń bas júldesin eń kóp salym salǵan Nurlan Bısenbaev ıelendi. Al Mahambet aýdanynyń turǵyny Abylaı Luqpanov pen «Gúlsary» atty sáıgúliktiń ıesi Qanat Turǵalıevqa arnaıy júldeler tabystaldy.
– Jappaı kókpar Atyraý oblysyndaǵy ulttyq sportty damytý maqsatynda uıymdastyrylýda. Sheber mamandar jastarymyzdy kókparshy bolýǵa daıyndap jatyr. Kókpar oıyny halyqtyń qyzyǵýshylyǵyn týdyryp keledi, qatysýshylar qatary da artty, – deıdi oblystyq ulttyq sport túrleri federasııasynyń prezıdenti Asylanbek Janbalaev.
Munaıly aımaqta ulttyq qundylyqtardy nasıhattaýǵa arnalǵan sharalar jıi uıymdastyrylady. Sonyń nátıjesinde ótken jyldyń qorytyndysynda Atyraý respýblıka boıynsha ulttyq sportty damytýda úzdik dep tanyldy.
Baqytgúl BABASh,
«Egemen Qazaqstan»
ATYRAÝ
