Ǵylymı-konsýltatıvtik keńes quryldy

Konstıtýsııalyq Keńestiń tór­aǵasy Qaırat Mámı atap ótkendeı, qazir­gi zamanǵy memleketter quqyq­tyq júıeleriniń qarqyndy damýy, jahan­danýdyń tereńdetilgen prosesteri konstıtýsııalyq ádilet organdarynyń aldyna jańa mindetter qoıady, olardy sheshý ǵylymı-ádistemelik qamtamasyz etýdi talap etedi. 

ǴKK mindetterine Respýblıka aý­maǵynda Konstıtýsııanyń ústemdigin qamtamasyz etý, konstıtýsıonalızmniń zamanaýı problemalaryn ázir­leý, adamnyń jáne azamattyń kons­tı­týsııalyq quqyqtary men bostan­dyq­taryn qorǵaý tetikteriniń tıimdiligin arttyrý, Konstıtýsııalyq Keńes she­shimderiniń quqyqtyq saldarlaryn boljaý jáne olardy oryndaýdyń jaı-kúıin taldaý boıynsha ǵylymı negizdelgen usynystar men usynymdar daıyndaý kiredi.       

Keńes quramyna konstıtýsııalyq, azamattyq, qylmystyq, halyqaralyq quqyq salasyndaǵy jáne basqa da zań salalaryndaǵy belgili quqyqtanýshy-ǵalymdardy qosýǵa usynym berildi. ǴKK músheleri óz jumysyn qoǵamdyq bas­ta­malarda júzege asyryp, onyń she­shimderi usynymdyq sıpatta bolady. 

ǴKK qyzmetin úılestirý úshin Kons­tıtýsııalyq Keńes óz quramynan Konstıtýsııalyq Keńes múshesi V.A.Ma­lınovskııdi onyń Hatshysy dep aı­qyndady.