Beıbit jartylaı aýyr salmaqta WBA super jáne birinshi aýyr salmaqta WBA chempıondyq beldigin jeńip alǵannan keıin, jaraqatyna baılanysty sporttan ketken bolatyn. Búgin ol kásibı mansabyn qaıta jalǵastyratynyn aıtty.
Sondaı aq ol AQSh-tyń Las-Vegas qalasynda promoýterlik lısenzııasy bar jalǵyz sheteldik bokser sanalady. Onyń KZ Event Productions, Inc. Promoýterlik kompanııasynyń Showtime, ESPN, Fox Sports Network, NBC Sports arnalarymen aldyn ala kelisimderi bar. Sondyqtan osy múmkindikterdi paıdalana otyryp, ol óziniń kásibı mansabyn jalǵastyratynyn jáne otandyq boksshylardy tek Qazaqstanda ǵana emes, álemde barynsha qoldaıtynyn jetkizdi. Ol sondaı-aq ázirshe kelesi qarsylasynyń esimi belgisiz ekenin, biraq kelissózder júrgizilip jatqanyn aıtty. Beıbit Shúmenov Oscar De La Hoya basqaratyn Golden Boy Promotionspen jaqyn arada jumys jasaıtynyn jetkizdi.
Sonymen qatar Beıbit Shúmenov aldaǵy ýaqytta sport mektebin ashýdy josparlap otyrǵanyn jetkizdi.
«Biz bul mektepte jas balalardy boksqa beıimdep, áýesqoılardan bastap, kásibı deńgeıdegilerge de kómektesip, elimizdiń bedelin arttyryp, kók týyn bıikte jelbiretýdi maqsat tutamyz», dedi ol.
Raýan QAIDAR,
«Egemen Qazaqstan»
