Saılaý naýqany elimizdiń 68 okrýginde ótip, Aqmola oblysy boıynsha 3 depýtat, Aqtóbe – 4, Almaty – 6, Atyraý – 6, Shyǵys Qazaqstan – 2, Jambyl – 3, Batys Qazaqstan – 4, Qaraǵandy – 9, Qostanaı – 13, Qyzylorda – 4, Mańǵystaý – 1, Pavlodar – 5, Soltústik Qazaqstan – 3, Ońtústik Qazaqstan oblysynda – 3, al Almaty qalasy boıynsha 2 depýtat saılanady. Astana qalasynda bos okrýgterdiń bolmaýyna baılanysty depýtattardy saılaý ótkizilmeıdi.
Ortalyq saılaý komıssııasynyń habarlaýynsha, 68 depýtattyń 10-y oblystyq, 17-si qalalyq jáne 41-i aýdandyq máslıhattarǵa saılanady. Depýtattardyń ókilettilikteriniń merzimnen buryn toqtatylýyna myna sebepter negiz bolǵan: tıisti ákimshilik-aýmaqtyq birlikten basqa turaqty orynǵa ketýi, basqa jumysqa aýysýy, jeke ótinishi, sondaı-aq depýtattyń qaıtys bolýy jáne sottyń aıyptaý úkiminiń zańdy kúshine enýi.
Bıylǵy jylǵy 25 qańtarda shyǵyp qalǵan máslıhat depýtattarynyń ornyna kandıdattardy usyný bastaldy. Depýtattyqqa kandıdattardy usyný 2018 jylǵy 25 aqpanǵa deıin jalǵasady. Aǵymdaǵy jyldyń 31 qańtaryndaǵy jaǵdaı boıynsha Almaty qalasynyń 2 saılaý okrýginde 7 kandıdat usynylǵan.
«Egemen-aqparat»
