Basqarma tóraǵasy mártebeli meımanǵa kórme aıaqtalǵan soń, Ulttyq kompanııaǵa mindettelgen birqatar jumystar jóninde aıtyp berdi. Sondaı-aq E.Shormanov 2017 jylǵy qarashanyń 10-nan bastap «Nur Álem» Ulttyq pavılony, Úzdik tájirıbeler aımaǵy, Energııa holy jáne Kongress ortalyǵynyń kelýshiler úshin qaıta iske qosylǵanyna da toqtaldy. Kezdesý barysynda «Astana» halyqaralyq qarjy ortalyǵy, «Astana Hub» IT startaptarynyń halyqaralyq tehnoparki, Jasyl tehnologııalar ortalyǵy jáne ózge de uıymdar jaıǵasatyn nysandardy qaıta jóndeý jumystary júrgizilip jatqanyn tilge tıek etti.
Erbol Shormanov Japonıanyń Astana EKSPO-2017 kórmesinde ıgi bastamalarǵa uıytqy bolǵanyn atap kórsetti. «Japonııa kórmege qatysatynyn alǵashqy bolyp rastaǵan memleketterdiń biri boldy. Kórme kezinde Kúnshyǵys eliniń pavılony eń kóp tamashalanǵan «Úzdik 10 pavılon» (700 myń adam tamashalaǵan) qatarynan oryn aldy. EKSPO-2017 barysynda, kórmege kelýshiler japon halqynyń mádenıetimen jáne dástúrimen etene tanysyp, jaryq-dıody, baldyr bıomassasy jáne sýtekti energetıka salasyndaǵy sońǵy tehnologııalaryn tamashalady. Eń bastysy, eki eldiń bıznes ókilderi ózara baılanys ornatty», dedi E.Shormanov.
О́z kezeginde Japonııa elshisi EKSPO-2017
kórmesiniń uıymdastyrylý deńgeıine joǵary baǵa berdi. «EKSPO-2017 halyqaralyq mamandandyrylǵan kórmesiniń ótkizilýi eki el arasyndaǵy dostyq qarym-qatynastyń odan ári nyǵaıýyna ıgi yqpal etkenin úlken senimmen aıta alamyn», dedi I.Kavabata.
Sondaı-aq I.Kavabata Japonııanyń Osaka qalasynda EKSPO-2025 búkilálemdik kórmesin ótkizý quqyǵyna ıe bolýy baǵytyndaǵy jumystardyń bastalǵanyn aıtyp, Qazaqstan tarapynan qoldaý jasalatynyna senim bildirdi. Kezdesý sońynda Erbol Shormanov Itıro Kavabataǵa mańyzdy kezdesý úshin alǵys aıtyp, Japonııa tarapymen joǵary tehnologııalar jáne jasyl energetıka salasynda aldaǵy ýaqytta da birlesip jumys atqaratynyna senim bildirdi.
Jylqybaı JAǴYPARULY,
«Egemen Qazaqstan»
