Maqsat – ózara yqpaldastyqty tereńdetý

Keshe Qazaqstan Respýblıkasynyń Syrtqy ister mınıstri Erjan Qazyhanov Astanaǵa resmı saparmen kelgen Serbııa Respýblıkasynyń Syrtqy ister mınıstri Výk Eremıchpen kezdesip, kelissóz júrgizdi. Výk Eremıchtiń bul Qazaqstanǵa jasaǵan tórtinshi, al mınıstr retindegi birinshi resmı sapary bolyp tabylady. Eki saǵatqa jýyq ýaqytqa sozylǵan kelissóz barysynda ekijaqty jáne kópjaqty yn­ty­maqtastyq máseleleri tal­qy­landy. E.Qazyhanov óz sóz­in­d­e Qazaqstan men Serbııa ara­syn­daǵy saıası, saýda-eko­no­mıkalyq jáne mádenı-gý­ma­nıtarlyq qa­ty­nastar jemisti damýda ekenine erekshe ekpin túsirdi. Bıyl eki el arasynda dıplomatııalyq qarym-qaty­nas­tardyń ornaǵa­nyna 15 jyl tolǵaly otyr. Byltyr qazan aıynda Serbııa prezıdenti Borıs Tadıch­tiń Qazaqstanǵa memlekettik sapa­ry bolyp ótti. Sonyń ná­tı­je­sin­de «Erkin saýda tý­ra­ly», «О́z­ara ınvestısııany qor­ǵaý tý­raly», «Eki memleket azamat­ta­rynyń vızasyz ba­rys-kelisi týraly» úki­met­aralyq kelisimder jasalyp, eki el syrtqy ister mınıstr­leri men saýda-óndiristik pa­la­talary arasyn­daǵy ynty­maq­tastyq jónindegi vedom­st­vo­aralyq memorandýmǵa qol qoıyldy. Bıylǵy sáýir aıynda eki mem­lekettiń azamattarynyń óz­ara sapary týraly úkimet­ara­lyq kelisimi óz kúshine endi. Iаǵnı, joǵary deńgeıdegi qol jetkizilgen ýaǵdalastyq­tar boıynsha eki el arasynda vızasyz rejim ornatyldy. Endi qazaqstandyq­tar men ser­bııa­lyqtar bir-biri­ne bir aıǵa deıingi aralyqqa vı­zasyz bara alady. Jalpy, Serbııa Eýro­padaǵy Qazaqstanmen vızasyz rejim ornatqan alǵash­qy el bolyp tabylady. Elimizben yntymaqtastyq­ty odan ári tereńdetýge mańyz berip otyrǵan Serbııa Qazaq­stan­­da óz Elshiligin ashqany bel­gili. Sonymen qatar, eki el arasynda birneshe saıası-eko­nomıkalyq jáne ınves­tı­sııa­lyq kelisimder jasalyp, eki­jaqty konsýltasııalar tý­ra­ly kelisimge qol qoıylǵan. Osy rette Birlesken saýda-ekono­mı­ka­lyq máseleler jó­nin­degi komıssııa qurylǵanyn aıta ketý kerek. Onyń oty­rysy kelesi jyly ótkizilip, onda qarym-qatynastardy odan ári de belsendi damytý máseleleri jan-jaqty talqy­lanady dep kútilýde. Osy oraıda Serbııa syrt­qy saıasat vedomstvosynyń bas­shysy V.Eremıch atalǵan komıssııada teńtóraǵa laýa­zy­my­na ıe. О́kinishke qaraı, eki el arasyn­daǵy saýda aına­ly­my elderdiń áleýetine sáıkes emes. О́tken jyly ekijaqty alys-beris kó­le­mi 13 mıllıon ǵana dollardy quraǵan. Bul kórsetkish sońǵy birneshe jyl qatarynan esh óz­gerer emes. Eki el isker toptary basqo­syp, ekonomıkanyń óndi­ris, kó­lik, energetıka, telekommýnıkasııa, aqparattyq tehnologııa jáne farmasevtıka sııaq­ty sektorlary boıynsha dóń­ge­lek ústel de ótkizgen bolatyn. V.Eremıch óz sózinde kelesi jyldan bastap eki el eko­no­mı­kalyq yntymaqtastyǵy júı­­eli túrde úılestirilip, nyǵaıa túse­rine senim bildirdi. Onyń paıy­mynsha, bul aýyl sharýa­shy­ly­ǵy, qurylys jáne farmasevtıka salalarynda erekshe kórinis tabýy tıis. Pikir almasýlar barysy Astana men Belgradtyń ózekti degen halyqaralyq jáne aı­maqtyq problemalar boıynsha kózqarastarynyń jaqyn ekenin kórsetti. Asqar TURAPBAIULY.