Buǵan deıin «Halyqtyń súıiktisi» ulttyq syılyǵy keńesiniń «Eýrazııa qurlyǵynda beıbitshilik pen yntymaqtastyq ıdeıasyn nasıhattaýǵa qosqan úlesi úshin» - «Mýdraıa sıla» - «Mýdraıa sıla Evrazıı» atty jańa halyqaralyq nomınasııa qurýdy uıǵarǵany habarlanǵan edi.
Atalǵan nomınasııadaǵy laýreatty tańdaý úshin «Halyqtyń súıiktisi» ulttyq syılyǵynyń keńesi bedeldi halyqaralyq uıym - Eýrazııa televıdenıe jáne radıo akademııasyna júgingen jáne jańa halyqaralyq nomınasııanyń laýreatyn anyqtaýdy suraǵan.
«Halyqaralyq qaýymdastyq bul syılyqty birtýar zamandasymyz, bolashaqty qurýǵa atsalysyp júrgen adamǵa berdi. Eýrazııashyldyqtyń saıası fılosofııasyn qurǵan bul adamnyń qosqan úlesi erekshe. Árıne, Eýrazııa televıdenıe jáne radıo akademııasy prezıdıýmynyń birlesken sheshimimen Qazaqstan Respýblıkasynyń Prezıdenti Nursultan Nazarbaevqa beriledi», - dedi Eýrazııa televıdenıe jáne radıo akademııasynyń prezıdenti Valerıı Rýzın Astanada ótip jatqan «Halyqtyń súıiktisi» ulttyq syılyǵynyń jeńimpazdaryn saltanatty marapattaý rásiminde.
