Atyraý oblysynda 2017 jyly «Atyraý qalasy kóshelerin jaryqtandyrý qurylysy men paıdalanýǵa berý» jáne «Atyraý oblysynda dıagnostıka boıynsha baǵdarlama ázirleý, arnaıy mamandandyrylǵan baǵdarlamalyq jáne sandyq rentgenografıkalyq júıelermen jabdyqtaýdan turatyn ókpe týberkýlezin erte dıagnostıkalaýǵa arnalǵan is-sharalar keshenin ázirleý, paıdalanýǵa berý» jobalary júzege asyryla bastady.
2018 jyly Atyraý qalasynda balabaqsha, mektep, aýysymyna 250 qabyldaýǵa arnalǵan emhana, Aqsaı selosynda aýysymyna 25 qabyldaýǵa arnalǵan dárigerlik ambýlatorııa qurylystary jobalarynyń bastalýy josparlanyp otyr. «Atyraý qalasynda 10 200 tonna kókónis qoımasy men 1 ga jylyjaı salý, paıdalanýǵa berý», «Atyraý qalasynda monsha salý, paıdalanýǵa berý», «Atyraý oblysy aýdandarynda qatty turmystyq qaldyqtar polıgonyn salý, paıdalanýǵa berý», «Atyraý qalasyndaǵy mektepterde tamaqtanýdy usyný men uıymdastyrýǵa halyqaralyq standarttar engizý» jobalary boıynsha konkýrstyq qujattama daıyndaý jumystary da júrýde.
«Sıfrlyq Qazaqstan» baǵdarlamasyn júzege asyrý aıasynda «Atyraý qalasynda beınebaqylaý men JJE buzǵandardy fotobeınetirkeý apparatty-baǵdarlamalyq keshenin qurý, paıdalanýǵa berý», «Qulsary qalasynda syrtqy jaryqtandyrý jelileri qurylysy men paıdalanýǵa berý», «Atyraý qalasyndaǵy mektepterde aqyldy basqarý júıesin qurý» jobalaryn iske asyrý josparda bar.
