«Aýyl sharýashylyǵyn eki túbegeıli másele boıynsha synaımyz. Birinshisi eńbek ónimdiligi artpaı otyr. Bul aýyl sharýashylyǵy ónimderin óńdeýmen jáne qosylǵan qunnyń artýymen tikeleı baılanysty. Ekinshi, eksport tómen. Mine, aldyńda turǵan eki másele, osynyń ishinde kóp jumys bar», - dedi Nursultan Nazarbaev QR Premer-Mınıstriniń orynbasary - Aýyl sharýashylyǵy mınıstri О́mirzaq Shókeevke qarata aıtqan sózinde.
Osy rette О́mirzaq Shókeev Aýyl sharýashylyǵy mınıstrligi aldaǵy ýaqytta jumysyn úsh baǵytta júrgizetindigin basa aıtty. «Birinshisi - et ındýstrııasyn qaıtadan damytý. Oǵan bizde barlyq negiz bar, irgesi qalanǵan. 86 reproýktor qazir jumys istep tur. Asyl tuqymdy mal basy 3 jyldyń ishinde 400-den 700 myńǵa ósti. 16 myń fermeler osy baǵytta jumys istep jatyr, aıaq alystary jaqsy. О́tkende Aqtóbede Berdibek Mashbekuly (Saparbaev - avt) ekeýimiz úlken semınar ótkizdik. Qyzyǵýshylyq joǵary. Sondyqtan osy baǵdarlamany qaıta jańǵyrtyp, sizge usynys engizemiz dep otyrmyz», - dedi ol. Osy rette ol aýyl sharýashylyǵyn eksportqa shyǵarý úshin aldymen veterınarııa máselesin sheshý qajettigin atap ótti. «Kooperasııany kóbeıtemiz dedik.Onyń sebebi bizde salynǵan et, sút, kókónis óńdeıtin zaýyttar 30-40 prosentke qoldanylady. Eger kooperasııa bolsa, óndirýshi ónim berip, zaýyt tolyǵa túser edi. Bul jumystar qalaı bolyp jatyr», - dep surady Qazaqstan Prezıdenti mınıstrden.
О́z kezeginde mınıstr elimizdiń barlyq oblystarynda myńdaǵan kooperasııa qurylǵandyǵyn aıtty. «Qazir sol kooperatıvterdiń sapasyn jaqsartý úshin ákimdermen birlesip jumys isteımiz», - dedi Shókeev.
