Georgıı Kım Koreıa Ulttyq Assambleıasynyń tóraǵasymen kezdesti

Taraptar saıasat, saýda-ekonomıka, kólik jáne ın­dýs­trııalyq-ınnovasııa sa­­­la­laryndaǵy óz­ara ynty­maq­­tastyq máse­le­­le­rin tal­qylady. «Eki­jaq­­ty qa­ty­nas­tar salasynda osy jyl ma­ńyzdy oqıǵalar men sha­­ralarǵa toly bolyp otyr. Koreıa Respýblıkasy Pre­­zı­den­ti Mýn Chje Inniń bı­­ylǵy ma­myr sońyndaǵy Qazaq­stan­ǵa sapary negizgi oqıǵa bolýy tıis», – dedi senator.

G.Kım Prezıdent N.Nazarbaevtyń 2016 jylǵy 9-11 qarashadaǵy Seýlge mem­le­kettik sapary barysynda qol qoıylǵan Strategııalyq árip­­testik qatynastardy odan ári tereńdetý týraly birlesken dek­la­rasııanyń zor mańyzyn atap ót­t­i. Júzdesýshiler ekijaqty aýqym­dy baılanystardy ny­ǵaı­tý úshin par­lamentaralyq óz­ara is-qı­myl­dyń erekshe ma­ńyzy týraly ortaq pikir bil­dirdi. De­pýtattyq dostyq toptary júıe­si boıynsha parla­me­n­taralyq baılanystardy damy­tý týraly kelisimge qol jet­ki­zildi, Qazaqstan Par­la­menti Senatynyń Tóraǵasy Qasym-Jomart Toqaevtyń Ońtústik Koreıa Ulttyq Assambleıasynyń basshysyna bıyl resmı saparmen Astanaǵa kelýge shaqyrýy tabys etildi. G.Kım elimizdiń ınvestısııalyq zańnamasymen jáne ekonomıkalyq jos­par­larymen tanystyryp, Qazaq­stan­daǵy jobalardy is­ke asyrý jónindegi birlesken ju­mys­tarǵa koreı bıznesin sha­qyrdy. Koreı túbegindegi jaǵdaıdy retteý taqyrybyn talqylaý barysynda G.Kım BUU Qaýip­siz­dik Keńesiniń tóraǵasy retinde Qazaqstannyń 2018 jyly qańtarda qabyldaǵan ma­ńyzdy sharalaryna toq­taldy. Ol BUU Qaýipsizdik Keńe­­siniń 18 qańtardaǵy Prezıdent N.Nazarbaev pen Po­lsha prezıdenti A.Dýda qa­tys­­qan «Jap­paı qyryp-joıý qa­rýlaryn taratpaý: senim sha­ralary» taqyr­yp­tyq brı­fıngin atap ótip, onyń qo­ry­tyndysy boıynsha Qaý­ip­sizdik Keńesi tór­aǵa­sy­nyń aımaqtyq qaqty­ǵys­tar­dy bol­dyrmaý jáne aldyn alý dıplomatııasy týraly málim­de­mesi qabyldanǵanyn aıtty. Qazaqstan Respýblıkasy ún­qa­tysý qalyptasatynyna jáne  Koreı túbegindegi shıelenistiń sheshimi tabylatynyna senim artady, dedi G.Kım.