«Ol kelisim sol jyly Qazaqstan Respýblıkasynyń zańyna sáıkes ratıfıkasııalandy. Osy kelisim aıasynda Ádilet mınıstrligi men Halyqaralyq qaıta qurý jáne damý banki birlesip tirkeý qyzmetine, memleket kepildik bergen zań kómegine jáne notarıattyq qyzmetke qatysty zańnamany reformalaý boıynsha jobany iske qosty. Joba quqyqtyq bazanyń mańyzdy elementterin nyǵaıtýǵa arnalǵan, bul sot tóreligi sektoryn damytyp, nyǵaıtýǵa yqpal etedi», dedi B.Ataǵazıeva.
Sonymen qatar ol jobany júzege asyrý úshin Ádilet mınıstrligi Polshanyń zańnamasyn jetildirýde tabysty tájirıbesi bar zańgerlik fırma Miller Canfield ókilderin jáne GLCC Solutions uıymynyń Grýzııa, Shyǵys Eýropa jáne Ortalyq Azııa elderiniń jeke jáne memlekettik sektorlardy reformalaýda mol tájirıbesi bar halyqaralyq sarapshylaryn shaqyrǵanyn atap ótti.
«Joba atalǵan baǵytttar boıynsha eleýli jetistikke qol jetkizgen jáne halyqtyń joǵary senimine ıe bolǵan AQSh, Vengrııa, Polsha, Chehııa jáne Túrkııa syndy damyǵan memleketterdiń taldaýy men tájirıbesine negizdelgen, zańnamany jetildirýge baǵyttalǵan sharalar konsýltasııalyq kómek túrinde bir jyl boıy iske asyrylatyn bolady», dedi Baqtygúl Ataǵazıeva.
Raýan QAIDAR,
«Egemen Qazaqstan»
