Salany jańartý – ýaqyt talaby

Joldaýdyń basynda atalǵan tabystar elimizdiń aǵymdaǵy jahandyq máselelerdi sheshýge qabilettiligine dálel bolady. Prezıdent ózeristerdiń negizgi flagmany retinde ındýstrııa­landyrýǵa erekshe kóńil bóledi. Atap aıtqanda, jańa tehnologııalar men beıimdelgen bilim júıesi sıfrly jáne basqa da ınnovasııalyq sheshimderdi ázir­leýshilerdiń óz ekojúıelerin damytý úshin tıisti jaǵdaılar ja­saıdy. Resýrstardy paıda­laný­dyń jańa tásilderi mańyzdy qadam bolmaq. Biz 2017 jyly Astana qalasynda ótken EKSPO kórmesi boıynsha «jasyl» teh­nologııalardy ázirleýdegi Qazaq­stannyń múmkindikteri týraly bilemiz. Sondyqtan Memleket bas­shysy qoıǵan bul mindetti sheshý úshin bizde bári bar dep se­nimmen aıta alamyz.

Pedagogıkalyq qyzmetkerler úshin jetinshi mindet erekshe mańyzǵa ıe. Sebebi, jańa tehno­logııalyq tártip tereń matema­tıkalyq jáne jaraty­lystaný-ǵylymı bilimdi talap etedi. Ol úshin oqytý úderisin resýrstyq qamtamasyz etýdi kúsheıtýmen qatar, pedagogtardy daıyndaý tásilderin qaıta qarastyrýdy usy­nady, bul búkil júıeni ja­ńar­tý bolyp tabylady.

Joldaýda barlyq jastaǵy adamdarǵa arnalǵan bilim berý júıesin qurýǵa nazar aýdaryldy. Bul óte mańyzdy, óıtkeni on jyl buryn alynǵan bilim eskirgen, al jumysqa qabiletti jastaǵy adamdar qaıta daıarlyqtan ótý­ge, jańa daǵdylardy ıgerýge tıis. Búgingi kúngi bilim berý jú­ıe­si qoǵam qajettilikterin tolyq­qan­­­dy qamtamasyz ete almaıdy. Qa­la­­lyq mektepterdiń jan basyna qar­­jy­l­andyrylýy – bilim berý uıy­m­darynyń básekege qabil­et­tiligin arttyrý úshin qa­jet­ti jaǵ­daılardy jasaıdy. Bul bilim berý sapasyn arttyratyny sózsiz.

Biz úshin úsh tilde oqytý, aǵyl­shyn tilin bilý qajettiligi týraly ereje óte mańyzdy. Ol ál­bette, latyn álipbıine kóshý­ge kómektesedi. Biraq ulttyq sáı­kestikti saqtap qalý da mańyz­dy ról atqarady, onyń mańyz­dy bóligi qazaq tilin bilý bolyp tabylady. Úsh tildi erkin meń­gerý, ınternetke jappaı qol­jetim­dilik – jastar úshin jarqyn bola­shaqtyń kepili.

Pedagogterdiń jańartylǵan bilim berý baǵdarlamasyn ıgerýge degen qulshynysyna qaraı otyryp, onyń ýaqtyly jáne sapaly ekendigin aıtýǵa bola­dy. Sondyqtan tehnıkalyq jáne kásiptik bilim berý baǵdar­la­malaryn jańartý da ýaqyt talaby. Shetel mamandaryn tar­ta otyryp, jańa tehnologııa­lar­­dy paıdalanyp, jastardyń maman­dyqty meńgerýi óz kásibı sheber­likterin halyqaralyq deńg­eıde sátti júzege asyrýyna múm­kindik beredi. Bizdiń oıy­myz­­sha, Joldaýda bilim berý jú­­ıe­siniń ekonomıkanyń bir salasy retinde qarastyrylýy asa qundy bolyp tabylady. О́ıtkeni bilim berý uıymdarynyń ekono­mıkalyq erkindigi sapaly deń­geıdi quraıdy. Bul ha­lyq­ara­lyq keńistikte tájirıbeden ótken jáne óz nátıjesin kórsetti.

Pedagogterdiń biliktiligin arttyrý júıesi qyzmetkerleri re­tinde muǵalimderdiń áleýeti, mem­le­kettiń kómegi men jańa teh­­nolo­gııalar bilim berý júıe­sin jańa deńgeıge kóterýge yqpal ete­di dep senemiz. Ol – bola­­­shaq­tyń negi­zi. Biz bir maq­sat­qa umty­la­myz, sondyqtan jas­qa, áleýmet­tik jaǵdaıǵa, laýa­zym­ǵa qara­maı, Joldaýdy júze­ge asyrý­ǵa jaýa­p­ty bolýymyz kerek. Ke­ler urpaq­qa jedel dam­ý­shy Qazaq­standy qaldyrý – qasıetti boryshymyz.

Erkin ISIMBAEV,

Kókshetaý qalalyq máslıhatynyń depýtaty