Jyldyq esebine osyndaı jan-jaqtylyq pen keń tynystylyq berýi, ári halyqtyń qalyń ortasynda udaıy bolýy arqyly óńir basshysy Prezıdenttiń atqarýshy organdardyń turǵyndarmen esepti kezdesý ótkizý jónindegi Jarlyǵyn oryndaý kezinde ony taǵy bir basqasha qyrynan tolyqtyra túskendeı kórinedi. Iаǵnı munyń ózi oblys ákimi óziniń qorytyndy esebi ótetin kúnge deıin ózi basqaryp otyrǵan óńir qalaı tynystap, qandaı kúı keship otyrǵanyn kóńiline túıip keledi degen oıdy bildiredi. Aglomerasııalyq aımaq basshysy bıylǵy qorytyndy esebinde. Eń bastysy, kópshilikke aıtylǵan másele tujyrymdy ári naqty túrde kórinis tapty. О́tken jyldyń qorytyndysy boıynsha óńir ekonomıkasynyń ósimi 5 paıyzdy qurapty. Bul elimizdegi kez kelgen óńirdiń enshisine tıe qoımaıtyn ekonomıkalyq ósim. Dúnıede ne nárseniń de qadir-qasıeti men artyqshylyǵyn salystyrmaly túrde baǵamdaýǵa ári sezinýge bolady. Osynyń aldyndaǵy 2016 jyly bul kórsetkish nebári bir paıyzdy ǵana quraǵan bolsa 5 paıyzdyq ósim qarqyndy ári serpindi damýdyń naqty belgisi bolmaq.
Mine, turǵyndar aldynda bergen esebi kezinde oblys ákimi B.Saparbaev óz sózin osy arnadan sabaqtady. Bul oblys ekonomıkasynyń negizgi salalaryn – ónerkásip pen saýdany, aýyl sharýashylyǵy men qurylysty, sondaı-aq shaǵyn jáne orta bıznesti damytý men jańa tehnologııalardy engizý esebinen qamtamasyz etildi, dedi budan ári óńir basshysy. Aqtóbe – respýblıkamyzdaǵy ónerkásibi damyǵan óńirlerdiń biri. О́tken jyly oblys ekonomıkasynyń basym baǵytyn quraıtyn óńdeýshi kásiporyndar alǵan bıikter de oblys basshysy esebinen tys qalǵan joq. Munda da jaqsy ósim bar. Onyń ózi saladaǵy óńdeýshi oryndardy damytý esebinen qamtamasyz etilgen. Iаǵnı kásiporyndardaǵy ósim 7,9 paıyzǵa ósip, jalpy tabys 527 mıllıard teńgeni quraǵan.
– О́ńir basshysy óz esebinde bıylǵy 2018 jyl oblysta ekonomıkalyq serpilis jyly bolyp jarııalanǵanyn atap kórsetti. Soǵaı saı jańǵyrtýdyń bes vektory belgilengen. Atap aıtqanda, bular áleýmettik baǵdar, ómir sapasyn jaqsartý, azyq-túlik qaýipsizdigi, ındýstrııalyq damý jáne kedergisiz bıznes bolyp tabylady. Sondaı-aq aımaqta áleýmettik baǵdar aıasynda «Baqytty balalyq shaq» jyly atalyp ótilmek. Soǵan sáıkes 150-den tómen emes sporttyq jáne oıyn alańdarynyń qurylysy boı kótermek. Jetim balalar men ata-anasynyń qamqorlyǵynsyz qalǵan balalardy turǵyn úımen qamtamasyz etý sharalary belgilenbek. Sonymen birge sal aýrýyna shaldyqqan balalar men aýtızm balalarǵa arnalǵan ortalyq turǵyzylmaq. «Ásem» jyl boıy oqý-saýyqtyrý lageriniń qurylysy da osy qatarda tur.
Kez kelgen óńir ekonomıkasynyń damý deńgeıine qozǵaý salatyn basty ındeks – ınvestısııalyq qarajat. О́ńirdiń ınvestısııalyq tartymdylyǵyn, buǵan qosa oblystyń qarajat quıýǵa yńǵaıly ekenin, sheteldik ınvestorlardyń sana-sezimine sińire bilgen aımaq basshysynyń ilkimdi isiniń arqasynda ótken jyly oblys ekonomıkasyna 437 mıllıard teńge ınvestısııa quıylypty. Bul 2016 jylǵy deńgeıden 63 mıllıard teńgege artyq. Tartylǵan ınvestısııanyń edáýir bóligi jeke sektor sýbektileriniń qarjylary bolyp tabylady. Al ınvestısııa tartýdaǵy bıylǵy mejemiz – 510 mıllıard teńge. Bul oblys ekonomıkasyn odan ári damytýǵa qosylatyn qomaqty qarajat bolmaq, dep túıin jasady osy tusta B.Saparbaev.
О́ńir basshysynyń turǵyndarmen kezdesýi aıaqtalǵannan keıin kezdesýge qatysýshylardyń bir toby gazet tilshisine óz oı-pikirlerin bylaısha jetkizdi.
Keńes Birmanov,
Aqtóbe oblystyq ardagerler keńesiniń tóraǵasy:
– Berdibek Saparbaev óziniń búgingi esebinde oblysta ótken jyly 800 myń sharshy metrge taıaý turǵyn úı paıdalanýǵa berilgenin atap ótti. Bul óńirde buryn-sońdy bolyp kórmegen bıik nátıje. О́tken jyldan beri Aqtóbege «Nurly jer» baǵdarlamasy boıynsha turǵyzylǵan az qabatty úıler turǵyzý tájirıbesin úırenýge delegasııalar úzilissiz kelýde. Bul óte jaqsy nyshan. Úı turǵyzý isinde oblystaǵy oń nátıjeler jetkilikti. Bul iste óńir basshysynyń eńbegi mol.
Aıgúl Dúısenova,
Aqtóbe oblysyndaǵy úkimettik emes uıymdar qaýymdastyǵynyń prezıdenti:
– О́ńir basshysy memleket-jekemenshik áriptestigi serpindi damýdyń bir joly ekenin túıindep berdi. Bul shyndyq. Sonyń arqasynda oblys ortalyǵy kúnnen-kúnge kórkeıip keledi. Búgingi esepte úkimettik emes uıymdardyń óńirdi damytýǵa qosqan úlesi jóninde jaqsy aıtyldy. Osy turǵydaǵy memlekettik-áleýmettik tapsyrystar kólemi ósip keledi. Mundaı birlesken jobalardyń keleshegi kemel dep bilemin.
Jansulý Atamuratova,
Qobda aýdandyq máslıhatynyń depýtaty, gımnazııa dırektory:
– Men búgingi eseptegi bilim berý salasyna qatysty aıtylǵan taldaýlar men saraptamalarǵa aıryqsha kóńil bóldim. Sonyń ishinde oblysta úsh aýysymdaǵy jáne apatty jaǵdaıdaǵy mektepterdi joıý jóninde qabyldanǵan sheshimder súısindiredi. Úsh aýysymdaǵy tyǵyz ári kúrdeli oqý úderisin bastan keship jańa úlgidegi ǵımaratqa qonys aýdarǵan bilim ordasynyń biri – bizdiń Qobda aýdandyq gımnazııasy. О́ńir basshysynyń aıtýynsha, bıyl oblysta 15-ten astam jańa mektep ǵımaraty paıdalanýǵa berilmek. Budan asqan qýanysh bar ma?
Sabytaı Jeksenbaev,
Baıǵanın aýdanyndaǵy, «Qostemir» sharýa qojalyǵynyń jetekshisi:
– 3-4 ónimdiligi az mal ustaǵannan góri, bir asyl tuqymdy mal ósirgen áldeqaıda tıimdi, dedi oblys ákimi. Bul pikirge tolyqtaı qosylamyn. Bıyl óńirde mal tuqymyn asyldandyrý jóninde irgeli sharalar qolǵa alynatyny, oǵan bólinetin sýbsıdııa mólsheri ósetini meni qatty qýantty. Bul – mal sanyn odan ári kóbeıtýge úlken septigin tıgizetin memlekettik qoldaýdyń kórinisi.
Meıirhan Aqdáýletuly,
aqyn-pýblısıst, Qazaqstan Jazýshylar odaǵynyń múshesi:
– Aqyny ákimin izdegen eldiń mańdaıynyń sory bes eli. Ákimi aqynyn izdegen el baqytty el degen támsil bar. Osy oraıda búgingi esepte aıtylǵandaı ótken jyly oblys ortalyǵynda qaıtalanbas úlgidegi rýhanı hramdar, óner jáne mádenıet ordalarynyń boı túzeýi ákimi aqyny men el-jurtyn izdegendeı áser qaldyrady. Bul óte ádemi úılesim, keremet garmonııa. Rýhanı kem-ketikti túgeldeı bilgen basshynyń bási men mártebesi qashan da joǵary.
Mereke Nurtazın,
«№4 Aqtóbe qalalyq emhanasy» MQK-nyń dırektory:
– О́ńirimizde qurylǵan medısınalyq klasterdiń respýblıkada balamasy joq ekeni bárimiz úshin maqtanysh. Tyńnan túren salý ońaı is emes. Buǵan óńir basshysynyń tikeleı qoldaýy bolmaǵan jaǵdaıda mundaı jetistikke jeter me edik, jetpes pe edik?! Berdibek Máshbekuly atap kórsetkendeı, oblysta júzege asyrylyp jatqan memleket-jekemenshik áriptestiginiń negizgi úlesi densaýlyq saqtaý salasyna tıesili ekeni – halyq densaýlyǵyna degen janashyrlyqtyń bir kórinisi.
Temir QUSAIYN,
«Egemen Qazaqstan»
Aqtóbe oblysy
