– Asyryp aıtty demeńizder, qazaqstandyq stýdentter úshin sheteldik joǵary oqý oryndarynyń rektorlary kezekte tur! 2018 jyly biz sheteldik granttardyń sanyn 10 myńǵa deıin jetkizdik, basty mindetimiz bilimge qushtar stýdent tabý bolatyn. Budan keıin bul san tek kóbeımek,– deıdi ol.
Janbolat Meldeshovtiń aıtýynsha, HBO Malaızııanyń tájirıbesine negizdelgen qazaqstandyq bilim berýdi ınternasıonaldandyrý boıynsha jumys júrgizýdi bastapty. Bul týraly ol:
– Máselen, Manchester ýnıversıteti Malaızııada óz kampýsyn ashady nemese Malaızııanyń keıbir ýnıversıteti álemdegi úzdik ýnıversıtettiń franshızasyn satyp alady. Bundaǵy oqytý osy ýnıversıtettiń baǵdarlamasyna sáıkes, sol ýnıversıtet muǵalimderiniń qatysýymen júrgiziledi, biraq quny 10 ese tómen. Sondyqtan Malaızııaǵa brıtandyq joǵary oqý oryndarynyń dıplomy úshin oqýǵa túsý búgingi tańda keń etek alǵan, al Malaızııa úshin bul «bilim berý týrızmin damytý» turǵysynan tıimdi. Bizge de sol jolmen júrse bolady, ıaǵnı álemniń jetekshi ýnıversıtetteri úshin Qazaqstanda oqý oryndaryn ashý múmkindigin berý. Sonyń nátıjesinde Úndistan, Qytaı, О́zbekstan, Iran jáne basqa elderden kelgen stýdentterdi Qazaqstanda oqytyp, Ortalyq Azııadaǵy iri bilim berý ortalyǵyna aınalar edik. Biraq bundaı damý úshin men tilge tıek etken akademııalyq erkindik qajet, ıaǵnı joǵary oqý oryndary qarjylyq, akademııalyq jáne ákimshilik sheshimderdi ózderi derbes júzege asyra alýy kerek. Sáıkes zań jobasyn QR BjǴM Parlamentke usynǵan, qazir talqylanyp jatyr,– dedi.
