2017 jyly negizgi kapıtalǵa salynǵan ınvestısııalar kólemi 432,7 mlrd. teńgeni qurady, bul 2016 jylmen salystyrǵanda 1%-ǵa artyq (405,6 mlrd.teńge).
Negizgi kapıtalǵa salynǵan shıkizat emes sektordyń ınvestısııalyq kólemi 2017 jylǵy memlekettik bıýdjetten tys 182,7 mlrd. teńgeni qurady.
Quryqtaǵy parom keshenin, «QazAzot» AQ-nyń mıneraldy tyńaıtqyshtar shyǵaratyn zaýytyn, «Aqtaý teńiz porty» AEA jáne t.b. jobalardy jańǵyrtý nátıjesinde ınvestısııalar kólemi ulǵaıdy.
«QazAzot» AQ pen Inner Mongolııa Berýn Holdıng qytaı kompanııasy «Gaz-hımııa kesheni» jobasyn iske asyryp jatyr. Qazirgi ýaqytta Ýhan Instıtýty Gaz-hımııa kesheniniń jobasyn ári qaraı jalǵastyrý úshin tehnıkalyq-ekonomıkalyq negizdeme aldyndaǵy daıyndyq jumystaryn júrgizýde. Malaızııanyń Rich Energy kompanııasy quny 1,7 mlrd teńge turatyn «Munaı jáne gazdy óńdeý kesheni» jobasyn qolǵa alýda», dedi Indýstrııalyq-ınnovasııalyq damý basqarmasy basshysynyń m.a. Dárimbet Báıimbetov.
Qytaılyq NWPC kompanııasy fransýzdyq ECM Technologies jáne «Kaspıı» ÁKK» AQ-pen birlesip 5 mlrd. teńge somasyna «Mangystau Solar» birlesken kásipornyn quryp, Shetpe aýylynda qýattylyǵy 12 MVt kún elektr stansııasynyń qurylysyn júzege asyrýda. Transulttyq kompanııalardy tartý sheńberinde Mańǵystaý oblysynda Shetpe aýylynda Hedebelberg Cement sement zaýyty, Kaspıı bıtýmy CITIK Group, Tenaris kompanııasy - premıaldy baılanysqa ıe qubyrlardy shyǵaratyn zaýyty, KUDU Industries (Schlumberger) burandaly sorǵylar óndirisi sııaqty jobalar júzege asyrylýda.
Mańǵystaý oblysynyń kásipkerlikti qoldaý kartasynyń sheńberinde 2018 jyly jalpy somasy 11,5 mlrd. teńge bolatyn 4 jobany iske qosý josparlanyp otyr, bul 223 jańa jumys ornyn qurýǵa múmkindik beredi. Osy jyly Mańǵystaý oblysynda «Bıznesti qoldaý» kartasyn qospaǵanda, ekonomıkanyń ártúrli sektorlarynda jalpy somasy 57,4 mlrd. teńgeni quraıtyn 32 joba qarastyrylyp, 1 854 jumys ornyn qurý josparlanyp otyr.
Aǵymdaǵy jyly «Aqtaý teńiz porty» AEA jobalyq quny 10,5 mlrd teńge bolatyn 5 jobany júzege asyrýdy josparlap otyr, ol 254 jumys ornyn qurýǵa múmkindik beredi. 2018 jyly «Kaspıı» ÁKK »UK» AQ jalpy quny 13,1 mlrd.teńgeni quraıtyn 2 jobany iske qospaqshy. Sondaı-aq, bıyl «Mańǵystaý» ındýstrııalyq parkinde 192 jumys ornyn quratyn jalpy somasy 979,2 mlrd. teńge 4 joba iske qosylady. 2018 jyly MJÁ tetigi jalpy somasy 2,9 mlrd. teńgeden asatyn 10 jobany 779 jumys orny ashylatyn iske qosý jáne ekonomıkanyń ártúrli sektorlarynda jalpy somasy 30,0 mlrd. teńgeden asatyn nátıjesinde 589 jumys orny paıda bolatyn 11 joba josparlanýda.
Gúlaıym ShYNTEMIRQYZY,
«Egemen Qazaqstan»
