«7 – 20 – 25» baǵdarlamasy – óz elimizdegi turǵyn-úı máselesin tolyqtaı sheshýge baǵyttalǵan iri qadam. Bul degenimiz – elimizde baspana máselesin sheshýmen qatar, qurylys kompanııalaryna jumys kólemin berý, myńdaǵan jumys oryndarynyń ashylýy, qurylys materıaldary naryǵyndaǵy kásipkerlerge beriletin úlken múmkindik!
«2022 jyldyń sońyna deıin 25 myń oryndyq jańa stýdenttik jataqhanalar salynady. Bul aldaǵy jyldardaǵy tutyný mólsheri kóbeıýin esepke alǵannyń ózinde máseleni tolyqtaı sheshýge múmkindik beredi», – degen Prezıdenttiń bastamasy áleýmettik saladaǵy úlken ózgeris dep esepteımin. Bizdiń qolymyzda bar derekterge qaraǵanda, Astana men Almatynyń ózinde ǵana stýdentterdiń 30 paıyzy ǵana jataqhanamen qamtamasyz etilgen. Qalǵandary páter jaldaýǵa májbúr. «Aq jol» partııasy ótken jyly osy máseleni kótergende keıbir basylymdar óre túregelip, jataqhana máselesin basqasha burmalap, kúlkige aınaldyrýǵa tyrysqan. Ýaqyt – bárine de tóreshi.
Al aýyl sharýashylyǵyna bólinetin nesıe kólemin arttyrýdy sol aýyldyń jaǵdaıyn jaqsartý, aýyldyq jerlerde jumys oryndaryn kóbeıtý, eń bastysy, kásipkerlikti qoldaý dep túsingen jón.
«Ulttyq bank keminde 1 trıllıon teńge qarjy tartatyn arnaıy kompanııa quryp, ol qarjyny bankterdiń joǵaryda aıtylǵan sharttar boıynsha beretin jańa ıpotekalyq nesıelerin satyp alýǵa jumsaýy qajet» dep atap kórsetti Elbasy. Demek, endi Úkimet onyń júzege asýyna bilek sybana kiriseri sózsiz. Optımıstik jobanyń júzege asýy úshin eń aldymen Úkimetimizdiń qajyr-qaıraty qajet. Úkimet Elbasy aıtqan bes bastamanyń, ásirese, bankterge qatysty tustaryn qatań baqylaýda ustasa – qarapaıym halyq kópten beri asyǵa kútken, kásipkerlerge paıdaly máseleler oń sheshimin tabary sózsiz.
Azat PERÝAShEV,
Májilis depýtaty,
«Aq jol» fraksııasynyń basshysy
