Osy rette «Kaznakovka» bilim berý qorynyń jumysyn erekshe atap ótýge bolady. О́z jumysyn 2005 jyly Kókpekti aýdanyndaǵy Kaznakovka orta mektebiniń oqýshylaryn kitap oqýǵa yntalandyrýdan bastaǵan qor qazirgi ýaqytta Kúrshim, Katonqaraǵaı, Tarbaǵataı, Zaısan jáne Úrjar aýdandarynyń 9-10-shy synyp oqýshylaryn úlken ómirge batyl qadam jasaýǵa daıyndap jatqan kórinedi. «Qor 9-10-shy synyp oqýshylary arasynda jylyna 5 ret (tórteýi – aýdandyq, bireýi – oblystyq deńgeıde) «Erýdıt» esse baıqaýy, matematıka, fızıka, aǵylshyn tili jáne jeńil atletıka baǵyttary boıynsha olımpıada uıymdastyrady. Olımpıada ótkizý arqyly qabiletti oqýshylardy iriktep alyp, olardyń elimizdegi jáne álemdegi eń úzdik ýnıversıtetterge túsýine kómek kórsetiledi.
Shalǵaıdaǵy aýyl mektepteriniń joǵary synyp oqýshylary Qazaqstan men shetelderdiń joǵary oqý oryndary, ózine laıyqty ýnıversıtetti tańdaý, daıyndalý, granttar men shákirtaqylar týraly aqparattardy tegin ala alady. Sondaı-aq olarǵa ýnıversıtette oqý kezinde belgili bir kezeńge deıin qoldaý kórsetiledi. Baıqaýǵa estý, kórý qabileti nashar jáne basqa da fızıkalyq shekteýleri bar oqýshylar qatysa alady. Olarǵa tapsyrmalardy oryndaý kezinde jeńildikter, tıisti jaǵdaılar jasalady», deıdi «Kaznakovka» bilim berý qorynyń atqarýshy dırektory Aıjan Sadyqova. Onyń aıtýynsha, bilim qory uıymdastyratyn olımpıadalarǵa qatysatyn oqýshylar sany toqsan saıyn kóbeıip keledi. Máselen olımpıadanyń 1-týryna oblystaǵy 6 aýdannyń 9-10 synyptarynyń 5250 oqýshysynyń 1105-i qatyssa, ekinshi týryna qatysýǵa 1542 oqýshy ótinish bildiripti.
Azamat QASYM,
«Egemen Qazaqstan»
Shyǵys Qazaqstan oblysy
