"Biz, Qazaq memlekettik qyzdar pedagogıkalyq ýnıversıtetiniń ujymy Elbasy Nursultan Nazarbaevtyń «Prezıdenttiń bes áleýmettik bastamasy» atty halyqqa úndeýi – Qazaqstannyń keleshegin qamtamasyz etýge baǵyttalǵan naqty is-sharalar jospary, memlekettiń áleýmettiń áleýetin arttyrýǵa arnalǵan tyń qadamdary dep senimmen aıta alamyz. Memleket basshysynyń úndeýindegi bastamalar otandastarymyzdyń ál-aýqatyn, turmys deńgeıin, zııatkerlik sapasyn joǵarylatýdy hám jaqsartýdy kózdeıdi. Ásirese, Prezıdent baspana, salyq jáne bilim jaǵynan jan-jaqty qoldaý kórsetýge jete mán berip otyr. Bul turǵyda Memleket basshysynyń egemendiktiń eleń-alań shaǵyndaǵy aýyr kezeńderde qıynshylyqtan shyǵýdyń joldaryn usynyp, shırek ǵasyrdan astam ǵana ýaqyt aralyǵynda Qazaqstandy álemniń bedeldi memleketteriniń sanatyna qosyp, el azamattarynyń baıandy bolashaǵy jolyndaǵy atqarylýy tıis orasan isterdiń jaýapkershiligin óz moınyna alatyndyǵyn erekshe atap ótken jón", – dep pikir bildirdi ustazdar.
Sonymen qatar, Qyzdar Ýnıversıtetiniń oqytýshylary Prezıdenttiń úndeýi kemel keleshek jolynda atqarylýy tıis aýqymdy isterdiń aıqyn dáleli ispettes dep topshylaıdy. Bes áleýmettik bastamadaǵy «Árbir otbasyna baspana alýdyń jańa múmkindikterin berý», «Jalaqysy tómen jumysshylardyń eńbekaqysyn kóbeıtý úshin olardyń salyq júktemesin azaıtý», «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý», «Shaǵyn nesıe berýdi kóbeıtý» jáne «Eldi gazben qamtamasyz etýdi jalǵastyrý» syndy basymdyqtar ekonomıkalyq turǵydan ǵana emes, sonymen qatar áleýmettik jaǵynan da sony serpin beredi.
"Damýdyń dańǵyl jolyna baǵyt alǵan bolashaǵy baıandy eldiń órisi qashanda bilikti de sanaly urpaǵymen keńeıetindigi, olardy memlekettiń tutqasy etip tárbıeleý qajettigi Elbasynyń halyqqa arnaǵan Joldaýyna únemi aıtylyp keledi. Al, ony iske asyrý muǵalimge júktelgen mártebeli mindet. Sóz sońynda Memleket basshysynyń úndeýinde atap kórsetilgen bastamalar elimizde azamattardyń bolashaǵyna degen qamqorlyqtyń naqty is júzinde oryndalatyndyǵynyń naqty nyshany", – dep atap ótti pedagogıkalyq oqý ordasynyń professor-oqytýshylary.
"Úndeýdi barsha otandastarymyzben birge Qyzdar Ýnıversıtetiniń ujymy da qoldaıdy jáne qujatta kórsetilgen óz salamyzǵa qatysty mindetti aldaǵy ýaqytta iske asyrýǵa óz úlesimizdi qosatyn bolamyz", – deıdi olar.
