Saptaǵy názik jandylardyń mergendigin shyńdaý baǵytyndaǵy saıys jyl saıyn uıymdastyrylyp keledi. Ishki ister departamentiniń qyzmetkerleri aıyna eki ret tapanshadan atýdyń daıarlyq sabaǵynan ótip, jattyǵyp, tájirıbelerin shyńdap turady.
– Departament basshylyǵy tarapynan áıelder merekesine oraı uıymdastyrylǵan bul saıys bizder úshin. Ishki ister organynda qyzmet atqaratyn bolǵandyqtan, qandaı táýekelge de daıyn bolýymyz kerek. Birinshi ret qolymyzǵa qarý ustap turǵan joqpyz, ıaǵnı bizge qolǵa qarý alý úırenshikti jaǵdaı. Saıysta «mergen qyz» atanýǵa árqaısymyz tyrysýdamyz, – deıdi IID shtab basqarmasynyń bólimshe bastyǵy, polısııa ma-ıory Aqmaral Kókenova. Basshylyqtyń aıtýynsha, atý daıarlyq sabaǵynda kórsetilgen jattyǵýlardy áıel qyzmetkerler tez meńgerip alady eken. О́ıtkeni olardyń saýsaqtary basý shúrippesine óte ıkemdi. Makarov tapanshasy boıynsha statıkalyq jáne taktıkalyq eki jattyǵýdan ótken saıysta jeńimpaz komandalar men jeke mergender anyqtaldy. Mergen arýlar departament basshylyǵynyń marapatyna ıe boldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
