Mine sol kún de týdy!» degen joldar bar. Adam janynyń tolqynysyna toly, júrekten aıtylǵan, júrektiń qýanyshymen aıtylǵan sózder bul. Elimizdiń shırek ǵasyrdan sál artyq ýaqytta ótken uly joly, búgingi jetken bıigin sanamen qaıta saraptasań ǵana osy bir uly tulǵa úshin, osy eldiń, memlekettiń bas ustasy, biregeı somdaýshysy Nursultan Nazarbaevtyń kemeńgerligin taǵy bir túısinesiń jáne onymen birge qýanasyń.
Elbasynyń bul Úndeýi onyń o basta Qazaq eli úshin, qazaq halqy úshin kúlli kúsh-qýatyn, týabitti kemeńger aqyl-oıyn qaldyqsyz jumsap kele jatqanyna taǵy bir ret kózińdi jetkizedi.
«Sol kún týdy!». Demek Elbasynyń saıasatynda salqyn aqyl, sabyrly oı men elge, eldiń bolashaǵyna degen qaısar senim qaı tusta da syr bergen joq. «Alla degen sóz jeńil» deıdi Abaı. Sóz ǵana. Al is mıllıon ese aýyr. Qazaqtyń talaıyna týǵan osy kemeńgerdiń qandaı júk arqalaǵanyn qazirgi qazaqtyń, Qazaq eliniń jetken bıigine qarap elestetýge bolady. Demek biz de Elbasymen birge qýanyshpen aıta alamyz: «Sol kún týdy!».
Elbasy Úndeýde qazaqtyń úsh uly hany Qasymnyń, Áz Táýkeniń, Abylaıdyń esimderin ataıdy. Biz qazirgi kúrdeli ǵasyrda Qazaq elin bıikke shyǵarǵan uly tarıhı tulǵa Nursultan Ábishulyn da sanaly túrde osy sanatqa qosar edik.
Al bes bastamaǵa kelsek, munyń jalpy halyqtyń turmysyn burynǵydan da kórkeıtip, eńsesin kótere túserine kúmán joq.
Meıirhan AQDÁÝLETULY,
«Adyrna» ádebı-kórkem jýrnalynyń bas redaktory
