Kóktemniń shýaqty merekesinde 10 keıýana ǵasyr toıyn toılaý ústinde. Olardyń altaýy oblys ortalyǵynda, ózgesi aýdandarda turady. Oblys ákimi Bolat Baqaýov júzge kelgen tyl eńbekkeri Evdokııa Maksımovany quttyqtady. Úsh bala tárbıelep ósirgen ol eliniń órkendeýi jolynda aıanbaı eńbek etken. Al eń uzaq jasaǵan Kúljámılá Ahmedııanova ájeıdiń jasy 106-ǵa kelgen. Sonymen qatar oblys basshysy Bolat Baqaýov 8 naýryz merekesine oraı alty jáne odan da kóp bala tárbıelep ósirgen ardaqty analarǵa «Altyn alqa» jáne «Kúmis alqa» tabys etti. Analarǵa arnap jaıylǵan aq dastarhan basynda emen-jarqyn áńgime qurǵan aımaq basshysy óziniń de kóp balaly otbasynan shyqqanyn jetkizdi. Dúnıe esigin onynshy sábı bolyp ashqan úıiniń sút kenjesi úshin anasynyń altyn alqasy boıtumarǵa aınalǵan. Ana bolý baqyty bir jaǵynan úlken jaýapkershilik. Marapatqa ıe bolyp jatqan árbir áıel muny jaqsy túsinedi.
- О́te qýanyshtymyn. О́zim alty perzentimdi ustazdyq qyzmetimmen qatar alyp júrip, ósirip jatyrmyn. Solardyń amandyǵyn tileımin. Elimiz tynysh bolsyn. О́zge de áıel adamdardy, arýlardy 8 naýryz Halyqaralyq merekemen quttyqtaımyn. Elimiz tynysh, jurtymyz aman bolsyn, - dedi Ásel Raqymjanova esimdi kóp balaly ana.
- Men úshin búgin óte qýanyshty kún. Barlyq analardy 8 naýryz merekesimen quttyqtaımyn. Men ózim kóp balaly otbasynan shyqanmyn. О́mirge 6 sábı ákeldim. Endi meniń Otan aldyndaǵy mindetim – sol balalarymdy ósirip jetkizý. Sonymen qatar bilim berý, eń birinshiden olarǵa jaqsy tárbıe berý. Barlyq analardy merekelerimen quttyqtaımyn, - dedi kóp balaly ana Mart Oralhanova.
