2018 jylǵy 7 naýryz №113 Astana, Úkimet Úıi
Normatıvtik quqyqtyq aktilerdi memlekettik tirkeý rásimin avtomattandyrýdyń keıbir máseleleri týraly
Qazaqstan Respýblıkasynyń Úkimeti qaýly etedi:
1. Qosa berilip otyrǵan Normatıvtik quqyqtyq aktilerdi memlekettik tirkeýdiń ýaqytsha qaǵıdalary (budan ári – Ýaqytsha qaǵıdalar) bekitilsin.
2. Osy qaýlynyń 1-tarmaǵynda kórsetilgen quqyqtyq akt qoldanysynyń aıaqtalý merzimi 2018 jylǵy 30 maýsym bolyp aıqyndalsyn.
3. Ýaqytsha qaǵıdalar normatıvtik quqyqtyq aktilerdi memlekettik tirkeý rásimin avtomattandyrý boıynsha pılottyq jobany júrgizý kezeńinde Qazaqstan Respýblıkasynyń Aqparat jáne kommýnıkasııalar, Mádenıet jáne sport mınıstrlikterine, Pavlodar oblysynyń ákimdikterine, máslıhattaryna jáne Pavlodar oblysy boıynsha tekserý komıssııasyna qoldanylsyn.
4. Qazaqstan Respýblıkasynyń Aqparat jáne kommýnıkasııalar mınıstrligi Qazaqstan Respýblıkasynyń Mádenıet jáne sport mınıstrligimen jáne «Ulttyq aqparattyq tehnologııalar» aksıonerlik qoǵamymen (kelisim boıynsha) birlesip, aqparattyq júıeler men jabdyqtardy tehnıkalyq súıemeldeýdi, sondaı-aq memlekettik organdarda normatıvtik quqyqtyq aktilerdi memlekettik tirkeý rásimin avtomattandyrý boıynsha pılottyq jobany júrgizý kezeńinde elektrondyq qujattardyń saqtalýyn qamtamasyz etsin.
5. «Normatıvtik quqyqtyq aktilerdi resimdeý, kelisý, memlekettik tirkeý jáne olardyń kúshin joıý qaǵıdalaryn bekitý týraly» Qazaqstan Respýblıkasy Úkimetiniń 2016 jylǵy 6 qazandaǵy №568 qaýlysyna (Qazaqstan Respýblıkasynyń PÚAJ-y, 2016 j., №49, 313-qujat) mynadaı tolyqtyrý engizilsin:
1-tarmaq mynadaı mazmundaǵy ekinshi bólikpen tolyqtyrylsyn:
«Normatıvtik quqyqtyq aktilerdi memlekettik tirkeýdiń ýaqytsha qaǵıdalarynda Qazaqstan Respýblıkasynyń Aqparat jáne kommýnıkasııalar, Qazaqstan Respýblıkasynyń Mádenıet jáne sport mınıstrleriniń normatıvtik quqyqtyq buıryqtaryn, onyń ishinde kórsetilgen ortalyq memlekettik organdardyń vedomstvolary basshylarynyń normatıvtik quqyqtyq buıryqtaryn, sondaı-aq Pavlodar oblysy boıynsha máslıhattardyń normatıvtik quqyqtyq sheshimderin, ákimdikterdiń normatıvtik quqyqtyq qaýlylaryn, ákimderdiń normatıvtik quqyqtyq sheshimderin, tekserý komıssııasynyń normatıvtik quqyqtyq qaýlylaryn normatıvtik quqyqtyq aktilerdi memlekettik tirkeý rásimderin avtomattaý boıynsha pılottyq jobany júrgizý kezeńine memlekettik tirkeý tártibi aıqyndalady.».
6. Ortalyq jáne jergilikti memlekettik organdar osy qaýlydan týyndaıtyn sharalardy qabyldasyn.
7. Osy qaýlynyń iske asyrylýyn baqylaý Qazaqstan Respýblıkasy Premer-Mınıstriniń orynbasary A.Q.Jumaǵalıevke júktelsin.
8. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2018 jylǵy 7 naýryzdaǵy №113 qaýlysymen bekitilgen
Normatıvtik quqyqtyq aktilerdi memlekettik tirkeýdiń ýaqytsha qaǵıdalary
1-taraý. Jalpy erejeler
1. Osy Normatıvtik quqyqtyq aktilerdi memlekettik tirkeýdiń ýaqytsha qaǵıdalarynda (budan ári – Ýaqytsha qaǵıdalar) Qazaqstan Respýblıkasynyń Aqparat jáne kommýnıkasııalar, Qazaqstan Respýblıkasynyń Mádenıet jáne sport mınıstrleriniń buıryqtaryn, onyń ishinde kórsetilgen ortalyq memlekettik organdardyń (budan ári – ortalyq memlekettik organdar) vedomstvolary basshylarynyń normatıvtik quqyqtyq buıryqtaryn, sondaı-aq Pavlodar oblysy máslıhattarynyń normatıvtik quqyqtyq sheshimderin, ákimdikteriniń normatıvtik quqyqtyq qaýlylaryn, ákimderiniń normatıvtik quqyqtyq sheshimderin, Tekserý komıssııasynyń (budan ári – jergilikti memlekettik organdar) normatıvtik quqyqtyq qaýlylaryn memlekettik tirkeý tártibi aıqyndalady.
Osy Ýaqytsha qaǵıdalar «Qyzmettik paıdalaný úshin» degen belgisi bar normatıvtik quqyqtyq aktilerge qoldanylmaıdy.
2-taraý. Normatıvtik quqyqtyq aktilerdi memlekettik tirkeý tártibi
2. Ortalyq jáne jergilikti memlekettik organdardyń normatıvtik quqyqtyq aktileri Qazaqstan Respýblıkasynyń Ádilet mınıstrligine nemese Pavlodar oblysynyń Ádilet departamentine bekitilgen kúninen bastap úsh jumys kúni ishinde usynylady.
Normatıvtik quqyqtyq aktini múddeli memlekettik organdar kelisken jaǵdaıda, kórsetilgen akt múddeli memlekettik organdardyń sońǵysy kelisken kúnnen bastap úsh jumys kúni ishinde memlekettik tirkeýge usynylady.
3. Normatıvtik quqyqtyq aktilerdiń kúshi joıyldy dep taný, sondaı-aq normatıvtik quqyqtyq aktilerdiń nemese olardyń jekelegen normalarynyń qoldanysyn toqtata turý týraly normatıvtik quqyqtyq aktiler osy Ýaqytsha qaǵıdalardyń 2-tarmaǵynda kórsetilgen tártippen jáne merzimderde memlekettik tirkeýge usynylady.
Memlekettik tirkeýden ótken normatıvtik quqyqtyq aktilerge engiziletin ózgerister jáne (nemese) tolyqtyrýlar osy Ýaqytsha qaǵıdalarda belgilengen tártippen memlekettik tirkeýge jatady.
4. Normatıvtik quqyqtyq aktini memlekettik tirkeý úshin Qazaqstan Respýblıkasynyń Ádilet mınıstrligine nemese Pavlodar oblysynyń Ádilet departamentine elektrondyq qujat nysanynda memlekettik organdardyń ıntranet-portalyna (budan ári – MOIP) elektrondyq sıfrlyq qoltańbamen kýálandyrylǵan mynadaı qujattar usynylady:
1) *doc nemese *docx formatyndaǵy ilespe hat;
2) qazaq jáne orys tilderinde normatıvtik quqyqtyq akti *doc nemese *docx formatynda;
3) Qazaqstan Respýblıkasy Ádilet mınıstriniń 2016 jylǵy 21 qazandaǵy №912 buıryǵymen (Normatıvtik quqyqtyq aktilerdi memlekettik tirkeý tiziliminde №14355 bolyp tirkelgen) bekitilgen nysan boıynsha anyqtama-negizdeme qazaq jáne orys tilderinde *doc nemese *docx formatynda;
4) eger normatıvtik quqyqtyq akt jeke kásipkerlik sýbektileriniń múddelerin qozǵaıtyn jaǵdaıda, Qazaqstan Respýblıkasy Ulttyq kásipkerler palatasynyń jáne jeke kásipkerlik sýbektileriniń akkredıttelgen birlestikteriniń saraptamalyq qorytyndylary qazaq jáne orys tilderinde *pdf formatynda;
5) normatıvtik quqyqtyq akt azamattardyń quqyqtaryn, bostandyqtary men mindetterin qozǵaıtyn jaǵdaıda, qoǵamdyq keńes usynymy qazaq jáne orys tilderinde *pdf formatynda;
6) normatıvtik quqyqtyq aktige ózgerister jáne (nemese) tolyqtyrýlar engiziletin jaǵdaıda, engiziletin ózgerister men tolyqtyrýlardyń tıisti negizdemesi bar normatıvtik quqyqtyq aktiniń aldyńǵy jáne jańa redaksııasynyń salystyrma kestesi qazaq jáne orys tilderinde *doc nemese *docx formatynda;
7) normatıvtik quqyqtyq aktige memlekettik organnyń birinshi basshysynyń mindetin atqarýshy adam qol qoıǵan jaǵdaıda, tıisti mindettemelerdi júkteý týraly qujat qazaq jáne orys tilderinde *pdf formatynda;
8) júrgizilýi Qazaqstan Respýblıkasynyń qoldanystaǵy zańnamalyq aktilerinde kózdelgen tıisti saraptamalyq qorytyndylar qazaq jáne orys tilderinde *pdf formatynda.
5. Qosa beriletin anyqtama-negizdemege osy aktini shyǵarǵan organnyń zań qyzmetiniń basshysy, ol bolmaǵan jaǵdaıda organnyń zań qyzmeti basshysynyń mindetin atqarýshy adam qol qoıady.
Birlesken normatıvtik quqyqtyq aktini usynǵan jaǵdaıda, qosa beriletin anyqtama-negizdemege ony memlekettik tirkeýge usynǵan organnyń zań qyzmetiniń basshysy, ol bolmaǵan jaǵdaıda onyń mindetin atqarýshy adam qol qoıady.
Memlekettik organda zań qyzmeti bolmaǵan jaǵdaıda, anyqtama-negizdemege osy normatıvtik quqyqtyq aktini ázirlegen tıisti qurylymdyq bólimsheniń basshysy, ol bolmaǵan jaǵdaıda tıisti qurylymdyq bólimshe basshysynyń mindetin atqarýshy adam qol qoıady.
Jergilikti organda zań qyzmeti bolmaǵan jaǵdaıda, anyqtama-negizdemege osy aktini memlekettik tirkeýge usynǵan organda zańger fýnksııasyn oryndaıtyn adam ne jergilikti organnyń birinshi basshysy, ol bolmaǵan jaǵdaıda jergilikti organnyń birinshi basshysynyń mindetin atqarýshy adam qol qoıady.
6. Jeke kásipkerlik sýbektileriniń akkredıttelgen birlestikteri, Qazaqstan Respýblıkasynyń Ulttyq kásipkerler palatasy – saraptamalyq qorytyndyny, sondaı-aq qoǵamdyq keńes usynymdardy ortalyq jáne memlekettik organ belgilegen merzimde usynbaǵan jaǵdaıda, normatıvtik quqyqtyq aktiniń jobasy eskertýlersiz kelisildi dep esepteledi.
Jeke kásipkerlik sýbektileriniń múddelerin qozǵaıtyn normatıvtik quqyqtyq aktiniń jobasyna saraptamalyq qorytyndyny usyný úshin ázirleýshi organ belgileıtin merzim jeke kásipkerlik sýbektileriniń akkredıttelgen birlestikterine, Qazaqstan Respýblıkasynyń Ulttyq kásipkerler palatasyna túsken kezinen bastap on jumys kúninen kem bolmaıdy.
7. Normatıvtik quqyqtyq aktini qabyldaǵan organ Qazaqstan Respýblıkasynyń Ulttyq kásipkerler palatasynyń jáne (nemese) jeke kásipkerlik sýbektileriniń akkredıttelgen birlestikteriniń saraptamalyq qorytyndysymen, sondaı-aq qoǵamdyq keńestiń usynymdarymen kelispegen jaǵdaıda, normatıvtik quqyqtyq aktige kelispeý sebepteriniń negizdemeleri bar hatty (jaýapty) qosa beredi.
8. Ortalyq memlekettik organdardyń normatıvtik quqyqtyq aktilerin memlekettik tirkeýdi – Qazaqstan Respýblıkasynyń Ádilet mınıstrligi, jergilikti memlekettik organdardyń normatıvtik quqyqtyq aktilerin memlekettik tirkeýdi Pavlodar oblysynyń Ádilet departamenti qujattar túsken kúnnen bastap on bes jumys kúni ishinde júzege asyrady.
Birlesken normatıvtik quqyqtyq aktilerdiń kúshi joıyldy ne toqtatyla turdy dep olardy birlese qabyldaǵan ortalyq nemese jergilikti memlekettik organdar tanıdy.
Bul tártip ózge memlekettik organdarmen kelisý boıynsha qabyldanǵan aktilerge de qoldanylady.
Osy Ýaqytsha qaǵıdalardyń 9-tarmaǵynda kózdelgen kezeńderdiń ótýi kezinde osy tarmaqtyń birinshi bóliginde belgilengen merzimder toqtatyla turmaıdy.
9. Normatıvtik quqyqtyq aktini memlekettik tirkeý rásimi mynadaı tórt kezeńdi qamtıdy:
birinshi kezeń – segiz jumys kúni ishinde aktide quqyq normasynyń bolýy turǵysynan zań saraptamasyn júrgizý jáne ony memlekettik tirkeý qajettigi týraly sheshim qabyldaý, normatıvtik quqyqtyq aktiniń Qazaqstan Respýblıkasynyń zańnamasyna sáıkestigin aıqyndaý bolyp tabylady;
Birinshi kezeńniń nátıjeleri boıynsha ortalyq nemese jergilikti memlekettik organdarǵa normatıvtik quqyqtyq aktini memlekettik tirkeý týraly sheshim qabyldaý týraly habarlamany ne joıýǵa bolatyn eskertýlerdiń bolýy týraly elektrondyq qujat nysanyndaǵy hatty MOIP ne memlekettik tirkeýden bas tartý týraly elektrondyq qujat nysanyndaǵy hatty jiberý;
Normatıvtik quqyqtyq aktini memlekettik tirkeý týraly sheshim qabyldaý týraly habarlama jiberilgennen keıin Qazaqstan Respýblıkasynyń Ádilet mınıstrligi ne Pavlodar oblysynyń Ádilet departamenti eki jumys kúni ishinde úshinshi kezeńniń ekinshi bóliginde jáne tórtinshi kezeńde kózdelgen rásimderdi ótkizedi;
ekinshi kezeń – ortalyq jáne jergilikti memlekettik organdar joıýǵa bolatyn eskertýlerdiń bolýy týraly elektrondyq qujat nysanyndaǵy hat MOIP arqyly kelip túsken kezden bastap tórt jumys kúni ishinde Qazaqstan Respýblıkasy Ádilet mınıstrliginiń ne Pavlodar oblysy Ádilet departamentiniń eskertýlerin joıady, onyń qorytyndylary boıynsha eskertýlerdi eskere otyryp pysyqtalǵan, elektrondyq sıfrlyq qoltańbamen kýálandyrylǵan *doc nemese *docx formatyndaǵy elektrondyq qujat nysanyndaǵy normatıvtik quqyqtyq aktini qazaq jáne orys tilderinde ilespe hat MOIP arqyly Qazaqstan Respýblıkasynyń Ádilet mınıstrligine nemese Pavlodar oblysynyń Ádilet departamentine engizedi;
úshinshi kezeń – eskertýlerdi eskere otyryp pysyqtalǵan normatıvtik quqyqtyq akt MOIP arqyly qaıta kelip túsken kúnnen bastap eki jumys kúni ishinde Qazaqstan Respýblıkasynyń Ádilet mınıstrligi ne Pavlodar oblysynyń Ádilet departamenti eskertýlerdiń joıylýy, sondaı-aq normatıvtik quqyqtyq aktiniń Qazaqstan Respýblıkasynyń zańnamasyna sáıkestigi turǵysynan salystyrý júrgizedi.
Salystyrý nátıjeleri boıynsha eskertýler joıylǵan jáne normatıvtik quqyqtyq akt Qazaqstan Respýblıkasynyń zańnamasyna sáıkes kelgen jaǵdaıda:
1) ortalyq memlekettik organnyń normatıvtik quqyqtyq aktisin memlekettik tirkeý týraly qorytyndyny – Qazaqstan Respýblıkasynyń Ádilet mınıstri nemese onyń orynbasary, jergilikti memlekettik organnyń – Pavlodar oblysynyń Ádilet departamentiniń basshysy bekitedi;
2) normatıvtik quqyqtyq akti memlekettik tirkeý nómiri berile otyryp, normatıvtik quqyqtyq aktilerdi memlekettik tirkeý tizilimine avtomatty túrde engiziledi.
Eskertýler joıylmaǵan jáne normatıvtik quqyqtyq akt Qazaqstan Respýblıkasynyń zańnamasyna sáıkes kelmegen jaǵdaıda, sondaı-aq eskertýler eskerilip normatıvtik quqyqtyq akti ekinshi kezeńde kózdelgen merzimde kelip túspegen jaǵdaıda, Qazaqstan Respýblıkasynyń Ádilet mınıstrligi ne Pavlodar oblysynyń Ádilet departamenti normatıvtik quqyqtyq aktini usynǵan organǵa MOIP arqyly elektrondyq qujat nysanyndaǵy hatpen normatıvtik quqyqtyq aktini memlekettik tirkeýden bas tartý jiberedi;
tórtinshi kezeń – normatıvtik quqyqtyq aktini memlekettik tirkeý týraly qorytyndy bekitilgen kúnnen bastap bir jumys kúni ishinde normatıvtik quqyqtyq aktini usynǵan organǵa MOIP arqyly elektrondyq qujat nysanyndaǵy hatpen normatıvtik quqyqtyq aktige berilgen memlekettik tirkeý nómirimen normatıvtik quqyqtyq aktini memlekettik tirkeý týraly qorytyndy jiberiledi.
10. Normatıvtik quqyqtyq aktilerdi memlekettik tirkeý tizilimin júrgizýdi Qazaqstan Respýblıkasynyń Ádilet mınıstrligi jáne Pavlodar oblysynyń Ádilet departamenti júzege asyrady.
Normatıvtik quqyqtyq aktini memlekettik tirkeý týraly qorytyndynyń, sondaı-aq normatıvtik quqyqtyq aktilerdi memlekettik tirkeý tiziliminiń nysany «Normatıvtik quqyqtyq aktilerdi memlekettik tirkeýdiń keıbir máseleleri týraly» Qazaqstan Respýblıkasy Ádilet mınıstriniń 2016 jylǵy 10 qarashadaǵy №1007 buıryǵymen (Normatıvtik quqyqtyq aktilerdi memlekettik tirkeý tiziliminde №14411 bolyp tirkelgen) bekitilgen.
11. Memlekettik tirkeýge usynylǵan normatıvtik quqyqtyq aktini pysyqtaý maqsatynda ázirleýshi memlekettik organ óz bastamasymen MOIP arqyly memlekettik tirkeýden qaıtaryp alýy múmkin.
Normatıvtik quqyqtyq aktini memlekettik tirkeýden qaıtaryp alý bul týraly tıisti hat kelip túsken kúnnen bastap eki jumys kúni ishinde MOIP arqyly júzege asyrylady.
Normatıvtik quqyqtyq aktini qaıtaryp alý týraly hatty alǵan kúnnen bastap kúntizbelik on bes kún ishinde ortalyq nemese jergilikti memlekettik organnyń basshysy ne ol bolmaǵan jaǵdaıda onyń mindetin atqarýshy adam normatıvtik quqyqtyq aktiniń kúshin joıý týraly akt qabyldaıdy jáne onyń kóshirmesin elektrondyq qujat nysanynda MOIP arqyly Qazaqstan Respýblıkasynyń Ádilet mınıstrligine nemese Pavlodar oblysynyń Ádilet departamentine jiberedi.
