Turǵyn úı qurylysyna úlestik qatysý máselesi boıynsha Astana qalasy ákiminiń birinshi orynbasary Sergeı Horoshýn baıandady.
«VAK-tyń sońǵy otyrysynda 22 obekti qaraldy. Qazirgi tańda «Elorda qurylys kompanııasy» JShS ókiletti mekemesiniń 16 nysany qaraldy, olar: («Jaǵalaý-3», «Jaǵalaý-4», «Shyǵys», «Stolıchnyı-2», «Esil-2», «Arystan», «Arabı-2», «TK-1», «Turan Syǵanaq», «Jeti jol», «Komsomolskıı», «Aısanam De Lıýks», «Komfort Deluxe», «Sadovye kvartaly», «Garant», «Dınastııa»), dedi S.Horoshýn.
Tótenshe, sanıtarlyq-epıdemıologııalyq, qalanyń aǵymdaǵy nysandardyń tynys-tirshiligi men jylý maýsymy týraly qala ákiminiń orynbasary Qosman Aıtmuhametov baıandady. Onyń aıtýynsha, ótken aptada juqpaly aýrýlar boıynsha sanıtarlyq-epıdemıologııalyq ahýal turaqty, baqylaý deńgeıinen asyp ketpegen. Astanadaǵy jylý maýsymy shtattyq rejımde ótýde. Energııa qaınar kózderi normatıvti janar-jaǵarmaı qorymen qamtamasyz etilgen.
Al dári-dármek quraldary men onyń qory týraly qala ákiminiń orynbasary Ermek Amanshaev aıtyp berdi.
Elordadaǵy quqyq tártibin qamtamasyz etý boıynsha qabyldanǵan sharalar men krımınogendik ahýal týraly qalanyń IID basshysy Marat Qojaev esep berdi.
«Jalpy alǵanda astanadaǵy jedel jaǵdaı barysynda qylmys aıtarlyqtaı azaıǵan. О́tken aptada 549 qylmys tirkeldi, bul aldyńǵy aptaǵa qaraǵanda 46 qylmysqa az jáne ótken jylmen salystyrǵanda da eki esege tómendegen. Sondaı-aq urlyq, tonaý, alaıaqtyq, buzaqylyq ta azaıǵan» dedi M.Qojaev.
Aıtýynsha qoǵamdyq oryndarda jasalatyn qylmys túri tómendegen. Budan basqa, avtokólik urlaý, akkýmýlıator, salonǵa urlyqqa túsý, qaladaǵy qalta urlyǵy men saýda oıyn-saýyq ortalyqtaryndaǵy urlyq ta tómendegen.
Al beınebaqylaý kamerasynyń kómegimen 13 qylmys pen 1 233 ákimshilik quqyq buzýshylyq anyqtaldy.
Qalada tazalyq pen tártip jumystary júrgizilýde. Ákimshilik jaýapkershilikke shaǵyn jáne orta bıznestiń 52 basshysy tartyldy, 2 – merdigerlik uıym, 6 – PIK, 1 – qurylys mekemesi.
Qalany abattandyrý máselesi boıynsha Almaty, Esil, Saryarqa aýdandary ákiminiń baıandamalary tyńdaldy.
Qaladaǵy qoǵamdyq transporttyń jumysy jaıly «Astana LRT» JShS basqarma tóraǵasy aıtyp berdi. Ol halyqaralyq áýejaı aýmaǵyndaǵy jol qozǵalysy uıymdaryn ózgertý máselesi týraly aıtty.
«Smart-sıtı» jobasyndaǵy memlekettik-jekemenshik seriktestik jobasyn júzege asyrý týraly naryqtaǵy janar-jaǵarmaı materıaldarynyń aǵymdaǵy ahýaly men «Sergek» beınebaqylaý kamerasyn qosý boıynsha jumystar barysyn ınvestısııa jáne kásipkerlikti damytý basqarmasynyń basshysy Álisher Abdyqadyrov baıandady.
