Barlyq ozyq elderde jaýyngerlerdiń sapasyna, jeke quramnyń moraldyq-psıhologııalyq jaǵdaıyna degen qamqorlyq memlekettik saıasat deńgeıine kóterilgen. О́ıtkeni, áskerılerdiń bıik rýhy, Qarýly Kúshterdegi qyzmetin maqtanysh tutýy, saıyp kelgende, jaýyngerlik daıarlyqty jáne eldiń qorǵanys qabiletin joǵary deńgeıde qamtamasyz etýge yqpal etedi.
«Qazaqstan Respýblıkasynyń Qarýly Kúshterinde Qorǵanys mınıstrligi apparatynan, Respýblıkalyq Ulannan, Shekara jáne Ishki áskerlerinen, áskerı mekemelerden bastap rotalarǵa deıingi býyndarda komandırlerdiń (bastyqtardyń) tárbıe jáne áleýmettik-quqyqtyq jumys jónindegi orynbasarlarynyń ınstıtýty engizilsin», dep anyq jazylǵan edi Prezıdenttiń 1993 jylǵy №1084 Jarlyǵynda. Osylaısha táýelsizdiktiń alǵashqy jyldarynda Qarýly Kúshterdegi tárbıe jáne áleýmettik-quqyqtyq jumystyń (budan ári – TÁQJ) irgeli negizi qalandy.
Alaıda bul sala keıin ózgeriske ushyrap, qazirgi ýaqytta Qarýly Kúshterde atalǵan jumys Bas shtabqa júktelgen. Osynyń nátıjesinde, qazirgi kezde Qorǵanys mınıstrliginiń ortalyq apparatynda TÁQJ-nyń derbes basqarý organy joq; tárbıe jáne áleýmettik-quqyqtyq jumystardy uıymdastyrýmen, jeke quramnyń moraldyq-psıhologııalyq ahýalyn jáne áskerı tártibin nyǵaıtýmen Bas shtabtyń tárbıe jáne ıdeologııalyq jumystar departamenti aınalysady. Al bul TÁQJ organdary mártebesine jaýap bermeıdi.
Osyǵan baılanysty TÁQJ deńgeıin kóterip, Qorǵanys mınıstriniń tárbıe jáne áleýmettik-quqyqtyq jumys jónindegi orynbasary laýazymyn qaıta qalpyna keltirýdi usynamyn.
Qazaqstanda qorǵanys salasyndaǵy memlekettik saıasatty, Qarýly Kúshterdi əskerı-saıası jəne əskerı-ekonomıkalyq basqarýdy júzege asyrý Qorǵanys mınıstrliginiń quzyrynda. Demek, Qarýly Kúshterde, basqa da áskerler men áskerı qurylymdarda TÁQJ uıymdastyrýda biryńǵaı ádistemeniń negizin qalaýshy da Qorǵanys mınıstrligi bolýy tıis. Alaıda Mınıstrliktiń atalǵan basshylyq róliniń joqtyǵy nátıjesinde TÁQJ uıymdastyrýdyń biryńǵaı júıesi de joq bolyp otyr. Al áskerı vedomstvolardyń (UQK Shekara qyzmeti, Ulttyq ulan, Memlekettik kúzet qyzmeti) áskerı basqarý organdary ózderi basqaratyn áskerı qyzmetkerlerdi tárbıeleý salasyndaǵy kózqarastar men nusqamalar júıeleriniń tujyrymdamasyn árqaısysy óz betinshe anyqtaýǵa májbúr.
Osy aıtylǵandardy eskerip, áskerı qurylymdarda tárbıe jáne áleýmettik-quqyqtyq jumystardy uıymdastyrý Tujyrymdamasyn ázirleýge tapsyrma berýdi usynǵan depýtattyq saýal Premer-Mınıstr B.Saǵyntaevtyń atyna joldandy.
Sonymen qatar jurtshylyq, ásirese, jastar arasynda áskerı qyzmettiń bedelin kóterý, qoǵamdyq sanada Otan qorǵaýshynyń oń beınesin somdaý úshin Qazaqstanda jeke áskerı telearna qurý máselesin qarastyrý suraldy. Sondaı-aq Elbasy jarııalaǵan «Rýhanı jańǵyrý» baǵdarlamasyndaǵy bastamany úlgi ete otyryp, táýelsiz Qazaqstannyń Otan qorǵaýshylarynyń qaharmandyǵy men jetistikterin kórsetip, qoǵam arasynda nasıhattaıtyn «Áskerdegi 100 jańa esim» jobasyn ótkizý de usynyldy.
Baqytbek SMAǴUL,
Májilis depýtaty
