Qabyldanǵan sharalar týraly Shyǵys Qazaqstan oblysynyń ákimi Danıal Ahmetov baıandama jasady. Aýa raıy qolaısyzdyǵynyń saldarynan Shyǵys Qazaqstan oblysynda 230 turǵyn úı sý astynda qaldy.
Oblys ákimdiginiń aqparatyna sáıkes, sý basqan úılerden 1526 adam qaýipsiz jerge kóshirildi. «Qyzyl jarty aı» qordyń qyzmetkerleri 14 mln teńge somasynda 471 adamǵa materıaldyq kómek kórsetti.
7–25 naýryz aralyǵynda oblysta avtokólik joldarynyń jáne sý ótkizý qubyrlarynyń 2 sý shaıyp ketýi men 17 arnadan asýy oryn aldy. Qazirgi ýaqytta 2 sý shaıyp ketý men 14 arnadan asý máseleleri joıyldy, 3 yqtımal arnadan asý baqylaýǵa alyndy.
QR ishki ister mınıstriniń orynbasary J. Súleımenov pen energetıka mınıstri Q. Bozymbaev sý tasqynyna qarsy sharalar men gıdrometeorologııalyq boljamdar týraly baıandady.
Atalǵan máseleni qaraýdy qorytyndylaı kele, QR Premer-Mınıstri Baqytjan Saǵyntaev óńirlerdiń, Astana men Almaty qalalarynyń ákimderine sý tasqyny jaǵdaıyn erekshe baqylaýǵa alýdy jáne zardap shekkenderge barlyq qajetti kómek kórsetýdi tapsyrdy.
Úılestirý jumystary Premer-Mınıstrdiń birinshi orynbasary A. Mamınge júkteldi.
