"Bizde ózi ne bolyp jatyr, bul áskerı qaqtyǵys ta, ken ornyndaǵy metannyń shyǵyp ketýi de emes qoı. Jurt balalaryn ertip demalýǵa keldi. Biz demografııa týraly aıtyp kelgenimizben, osynsha adamnan aıyrylyp otyrmyz. Bul qylmystyq salǵyrttyqtan, nemquraılylyqtan bolyp otyr", deıdi Pýtın Kemerovodaǵy jıyn barysynda.
Budan bólek, Vladımır Pýtın Reseı Federasııasy Tergeý komıtetiniń basshysy Aleksandr Bastrykınge qaıǵyly oqıǵaǵa jol bergen qyzmettik tulǵalardyń áreketine quqyqtyq túrde baǵa berýdi tapsyrdy.
Reseı prezıdenti seısenbi kúni tańerteńgisin Kemerovoǵa kelip, órtengen saýda ortalyǵyn aralap shyqty. Jurt gúl shoqtaryn jınaǵan orynǵa Vladımır Pýtın de gúl qoıdy.
Aıta keteıik, Kemerovodaǵy tórt qabatty saýda-oıyn saýyq ortalyǵy jeksenbide órtengen bolatyn. Resmı derekter boıynsha qaıǵyly oqıǵadan 64 adam qaza boldy, onyń jartysyna jýyǵy balalar.
