Sonymen qatar, brıfıngke oblystyq medısınalyq ortalyǵy dırektorynyń mindetin atqarýshy Qanat Jýndabekov, oblystyq bilim basqarmasy basshysynyń orynbasary Quralaı Ertashova jáne oblystyq jastar saıasaty máseleleri basqarmasynyń basshysy Erkebulan Meńlibaev qatysty.
«QIIB kezekshi bólimine Áıteke bı jáne Jeltoqsan kósheleriniń qıylysynda buzaqylyq bolǵany týraly habarlama túsken. Oqıǵa ornyna jedel-tergeý toby jetip, 7-8 adamnan quralǵan toptyń buzaqy áreketi anyqtaldy. Nátıjesinde qalanyń 1 turǵyny dene jaraqatymen oblystyq medısınalyq ortalyqqa (OMO) jetkizildi. Atalmysh derek boıynsha QR QK 259 baby, 3 bóligi, "buzaqylyq" faktisi boıynsha qylmystyq is qozǵaldy. Qazirgi ýaqytta kúdiktiler, buzaqylyq árekettiń músheleri QIIB jetkizildi, tergeý amaldary júrgizilip jatyr. Tergeý múddesine baılanysty málimetter jarııa etilmeıdi», dedi OIID basshysynyń orynbasary N.Anarbaev.
OMO dırektorynyń mindetin atqarýshy Qanat Jýndabekovtiń aıtýynsha, zardap shekken azamat oblystyq medısınalyq ortalyǵynyń jan saqtaý bólimine jatqyzyldy. Qazir oǵan ota jasalyp jatyr.
«Naýqas oblystyq medısına ortalyǵyna aýyr jaǵdaıda jetkizildi. Dereý qabyldaý bóliminen jan saqtaý bólimine jatqyzyldy. Sol mezette «ish qýysyna tereń oq tıgen, ishki aǵzalary zaqymdalǵan» degen dıagnoz qoıyldy. Dál qazirgi kezde naýqasqa ota jasalyp jatyr. Onyń jaǵdaıy keıin belgili bolady», dedi OMO dırektorynyń mindetin atqarýshy Qanat Jýndabekov.
Aıta ketý kerek, aımaq jastary arasynda qylmysty jáne basqa da áreketterdi boldyrmaý maqsatynda bilim, jastar saıasaty máseleleri basqarmalary jergilikti polısııa qyzmetimen birlesip túsindirme jumystaryn júrgizýde. Máselen, ár senbide jastar kóp shoǵyrlanatyn oryndarda «Stop - qylmys» atty reıdter uıymdastyrylady.
