Qaraǵandyda Naýryz toıy jalǵasýda

Naýryz toıynda qazaq hal­qynyń baǵzy zamandardan kele jatqan salt-dástúrine meılinshe basymdyq berildi. Bul teatrlandyrylǵan qoıy­lym negizinde uıymdas­ty­rylǵan sharaǵa 500-den astam adam qatysty. Olardyń bas­ta­ýynda Sáken atyndaǵy qa­zaq drama teatrynyń ár­tis­teri júrdi.

Merekelik sharaǵa qa­tys­qan óńir basshysy Erlan Qo­sha­nov qala turǵyndary men qonaqtaryna Ulys oń­ bolsyn aıtyp, óziniń ja­ńa­­jyl­dyq júrekjardy tilek­terin jetkizdi.

Jalpy, bıylǵy Naýryz toıynda jurtshylyq, ásirese ózge ult ókilderi arnaıy ti­gil­gen kıiz úılerge kirip, on­­­da­ǵy halyqtyń qolóner týyn­­dylarymen, ulttyq ta­ǵam túrlerimen jaqynyraq tany­sýǵa múmkindik aldy. Son­daı-aq olar naýryz kójeniń dámin tatyp qana qoımaı, qalaı daıyndalatynyna da qatty qy­zyǵý­shy­lyq ­tanytty.

Bylaı qarasańyz, jylda qaıtalanatyn úırenshikti kórinis­ter. Degenmen salt­­dás­­túr­di, ulttyq qundy­lyq­­­ta­rymyzdy osylaısha­ nasıhattaı bergennen utyl­masymyz anyq. Onyń ústi­ne, Naýryz toıy mundaı múm­kinshilikterge joldy keńinen ashyp berip júr. Naýryz meıramynda ultymyzdyń «Be­sikke bóleý», «Tusaýke­ser», «Qyz uzatý» syndy jón-­­joralǵylaryn kór­­gen óz­ge ult ókilderin bylaı­ qoı­­­­ǵanda, qalada ós­ken qa­ra­kóz­­derimizdiń ózi ul­ty­myzdy ulyq­taıtyn qun­­dy­lyqtar tý­raly mol maǵ­lumat alǵany sóz­siz edi.

Merekelik shara sporttyq ja­rystarsyz jetimsirep qa­lar edi. Bıylǵy Naýryz meıramynda da sportshy qyz-jigit­terdiń ónerine barynsha qurmet kórsetildi. Shyǵys jekpe-jegi túrlerinen, taek­vando, karate, sambo­ spor­ty boıynsha olar kórset­ken­ qoıylym jurttyń ys­tyq yqylasyna ıe boldy. Shah­mat, doıby jáne toǵyz­qu­malaq jarystary da tartys­ty ótti.

Merekelik kóńil kúıdiń ajaryn Almatydan arna­ıy kelgen estrada án­shisi Baqyt Shadaevanyń oryn­daýyn­daǵy tamasha ánder tipti árlendire tústi. Jer­gilik­ti ónerpazdardyń uıym­dastyrýymen ótken shaǵyn kon­sert te jurttyń kóńilinen shyq­ty.

Qaraǵandydaǵy sııaqty ob­lystyń barlyq óńirinde Naýryz meıramy óz dáre­je­sinde toılanǵanyn aıta ketken jón. Keı jer­ler­degi aýa raıy­nyń qo­laı­syzdyǵyna qara­mastan, alty aı qystan yǵy­ry shy­ǵyp, kóktemdi asy­ǵa kútken aǵaıyn mereke kó­ri­gin ba­ryn­sha qyzdyrýǵa at­­sa­lys­ty. Oblystyń qa­la­­lary men aýdandary, aýyl­dary bıylǵy Naýryz toıyn barynsha qyzyqty, jı­naqy jáne ysyrapsyz ót­kizýdi aldaryna mindet etip qoıdy. Bul jerlerde de ult­tyq salt-dástúrlerimiz ben ádet-ǵuryptarymyzdyń ulyq­talýyna basa kóńil bólindi.

Jalpy, bıylǵy Naý­ryz meıramyna ózge ult ókilde­riniń de belsene qa­tysyp, toıdyń jalpy­ha­­lyq­tyq sıpat alýyna­ baryn­sha yqylas tanytqany súısintti. Bile bilgen adamǵa bul – eli­mizdegi bereke-birliktiń búgingi kún­degi boıamasyz shyndyǵy, shynaıy bet-beı­nesi.

Naýryz toıy ústindegi shat-­shadyman kóńildi oblys­ ortalyǵynda kópten beri baspana kútip júrgen tur­ǵyndardyń qýanyshy eseleı tústi. Qaladaǵy «Panel-­Or­ta­­lyq» turǵyn úı keshe­ninde paıdalanýǵa berilgen 192 páter ıelerin tapty. Baspanaǵa ıe bolyp, baqyttan basy aınalǵan turǵyndardyń alǵashqylaryna oblys ákimi Erlan Qoshanov kiltti ózi tapsyryp, teledıdar syılady. Turǵyndardy áz-Naýryzben quttyqtap, ár shańyraqqa qýanysh pen baqyt tiledi.

Bul páterlerdiń boı kó­terýi «Turǵyn­úıqurylys­jınaq­banki»­ jáne «Nurly jer» baǵdar­lamalary arqa­syn­da múmkin bolǵan edi. Al­ǵashqy bolyp baspanaǵa kezekte turǵandar qol jet­kizdi. Odan keıin bank salymshylary qonys toıyn toı­lady.

Qaırat ÁBILDA,

«Egemen Qazaqstan»

Qaraǵandy oblysy

Sýretti túsirgen Lınar GALIMOV