Bul "Haısı Deshen soda salasy" qytaılyq kompanııasymen birlesken kalsıılendirilgen soda shyǵaratyn zaýyt, taý-ken kombınatynyń qurylysy jáne reseılik ınvestorlarmen birlese tuz óndirý zaýyty, sondaı-aq, "Baıqońyr" ÁKK qatysýymen jylyna 1500 tonna ónim óndiretin qus fabrıkasy jáne "Balasaýysqandyq" vanadıı ken ornynda vanadıı bes okısiniń óndirisin aıyna 50 tonnaǵa deıin ulǵaıtý.
"Osy jyly biz 3 myńnan astam jumys ornyn ashýǵa múmkindik beretin 301 mlrd.teńgeniń 5 ınvestısııalyq jobasyn iske asyrýdy josparlap otyrmyz" - dep málimdedi oblys ákiminiń orynbasary Evgenıı Kım.
Aıta keteıik, 2017 jyly ammonıı metavanadaty eksporttalatyn elder qataryna Ulybrıtanııa da qosyldy, ótken jyly kásiporyn eksport kólemin 3,2 esege ulǵaıtty. Sonymen qatar, jyl sońyna deıin óńirde taǵy 4 joba iske qosylady.
"2018 jyly 102 mlrd.teńgeniń 4 jobasy iske qosýdy mejelep otyrmyz. 650 jumys orny ashylady.Bul molıbden úsh okısi óndirisi, tamponajdy sement jáne shyny shyǵaratyn zaýyttar, sondaı-aq, balyq óńdeý sehy. Bul elimizdegi iri óndiris ornydary, eksportqa beıimdelgen jáne jańa tehnologııalardy qoldanatynkásiporyndar bolady", - dedi Evgenıı Kım.
Sonymen qatar, Qytaı, Iran, Túrkııa jáne Tatarstan elderindegi sheteldik áriptestermen 9 bastamaly ınvestısııalyq jobany birlese júzege asyrý josparlanýda.
"Qytaı tarapymen 5 jobany: kún panelderi, smartfondar men planshetterge arnalǵan asa juqa áınek óndirisi; kún jáne sý elektrstansııalarynyń qurylysy; turmystyq qatty qaldyqtardy óńdeıtin jáne jarylǵysh zattar shyǵaratyn zaýyt salý josparlanýda. Túrik elimen 3 joba, onyń ishinde "Iýldyzlar SSS holdıng" kompanııasymen qýattylyǵy 138 mVt bolatyn gaz porshendi elektr stansııa men keramıkalyq plıta shyǵaratyn zaýyt qurylysy, sondaı-aq, túrkııalyq "Tat" kompanııasymen birigip tomat pastasyn óndirýdi júzege asyramyz. Al, ırandyq ınvestorlarmen quny shamamen 1 mlrd.teńge bolatyn et kombınatynyń qurylysyn júrgizý máselesi qaralyp jatyr", - dep atap ótti oblys ákiminiń orynbasary Evgenıı Kım.
Esterińizge sala ketsek, Qazaqstan Respýblıkasynyń Premer-Mınıstri Baqytjan Saǵyntaev bastaǵan úkimettik delegasııa Qyzylorda oblysyna jumys saparymen keldi. Delegasııa quramynda QR Premer-Mınıstri keńsesiniń basshysy, ınvestısııa jáne damý, ulttyq ekonomıka, aqparat jáne kommýnıkasııalar mınıstrleri, sondaı-aq, ortalyq memlekettik organdardyń, ulttyq kompanııalardyń jáne damý ınstıtýttarynyń basshylary bar.
Sapar barysynda Baqytjan Saǵyntaev pen delegasııa músheleri oblys aktıvimen jáne kásipkerlermen, sondaı-aq áleýmettik sala ókilderimen kezdesti. «Qaraózek» gaz kompressorlyq stansııasynda bolyp, Aral aýdanyndaǵy balyq óńdeý zaýyty men «Araltuz» AQ jumysyn kórdi. Munda qoǵam ókilderimen basqosý ótip, Soltústik Aral jobasyn júzege asyrý, sýarmaly jerlerdi jaqsartý, QR Prezıdentiniń 5 áleýmettik bastamasy aıasynda shaǵyn nesıelendirý isin jetildirý máseleleri talqylandy. Sondaı-aq, Baıqońyr qalasy men ǵarysh aılaǵyn damytý barysymen tanysady.
