Qazirgi tańda oblysta 25 munaı óndirý jáne 20-dan astam munaıservıstik kompanııa jumys isteıdi. О́ndiristik kásiporyndarda on myńdaǵan joǵary bilikti jergilikti mamandar bar. 2017 jyly Qazaqstannyń barlyq ken orynynda 86,2 mln.t. munaı men gazkondensaty óndirilse, onyń ishinde Mańǵystaý oblysy boıynsha 18 mln.tonna munaı óndirilip, respýblıkada óndirilgen munaıdyń 20% qurap otyr. Jalpy alǵanda, Mańǵystaý – Atyraý oblysynan keıingi ekinshi iri munaı óndiretin óńir. Oblystaǵy ken oryndarynyń ashylýy, ıgerilýi, óńir ekonomıkasyn órletýge mol múmkindik beretinine kúmán joq. 2017 jyly oblysta jalpy gaz óndirý 2,4 mlrd. tekshemetr qurady.
Aımaq basshysy E.Toǵjanov geologtardy kásibı merekesimen quttyqtap, el damýyna qosqan qajyrly eńbekteri úshin alǵys bildirdi.
- Mańǵystaý oblysy jyl saıynǵy tutyný kólemi shamamen 2 mlrd tekshe metr bolatyn negizgi gaz tutynýshylarynyń biri bolyp tabylady. Sondaı-aq, oblys avtomobıl kóligin gazdandyrý boıynsha alǵashqylardyń qatarynda (búgingi tańda avtokólikterdiń shamamen 70% janarmaı retinde gazdy paıdalanady). Sondyqtan geologtardyń eńbeginiń tek Mańǵystaý oblysynda ǵana emes, tutastaı alǵanda respýblıkamyzdyń ekonomıkalyq salasyndaǵy erekshe róli men mańyzdylyǵyn atap aıtýǵa tıistimiz, dedi Mańǵystaý oblysynyń ákimi Eraly Toǵjanov.
Mańǵystaý oblysy ákiminiń atynan «Geolog kúni» kásibı merekesine oraı Mańǵystaý oblysynda geologııa salasynyń damýyna qosqan úlesi úshin
«Kensary» jaýapkershiligi shekteýli seriktestiktiń bas geology Razaǵul Aıbazarov, Geologııa salasynyń ardageri Juman Qaldybaı, «Mańǵystaý-Geologııa» jaýapkershiligi shekteýli seriktestiktiń ǵylymı-óndiristik ortalyǵynyń dırektory Avtandıl Gavashelıshvılı, «Emir-Oıl» jaýapkershiligi shekteýli seriktestiktiń geology Aqzıba Satybaldıeva jáne taǵy basqa geologtar marapattaldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
