"Densaýlyq saqtaý mınıstrligi Qoǵamdyq densaýlyqty qorǵaý komıtetiniń Ońtústik Qazaqstan boıynsha departamenti Shymkenttegi adamdardyń jappaı ýlanýyn teksere bastady. 2018 jyldyń 29 naýryzynan 30-na qaraǵan túni Shymkent aýrýhanasyna 61 adam ýlaný qaýpi boıynsha qaraldy. 41 adam aýrýhanaǵa jatqyzyldy (onyń ishinde 20 bala), 20 adamǵa ambýlatorııalyq em taǵaıyndaldy. Aldyn ala dıagnoz ótkir ishek ınfeksııasy jáne taǵamdyq toksıkoınfeksııa", - delingen habarlamada.
Ýlanǵan adamdardyń balmuzdaqty Respýblıka dańǵylynda M. Eshmuratova atty jeke kásipkerge tıesili orynnan alǵany aıtylyp otyr. "Aldyn ala málimet boıynsha balmuzdaq qospasy úı jaǵdaıynda daıyndalǵan. Osyǵan baılanysty tekseris jumystary bastaldy. Eshmuratova óziniń kásibin bastaǵanyn memlekettik organdarǵa habarlamaǵan. Zardap shekkenderge qajetti kómek kórsetilip jatyr", - deıdi baspasóz qyzmetiniń ókilderi.
Jaǵdaı Densaýlyq saqtaý mınıstrilginiń qadaǵalaýynda. Sonymen qatar, Shymkenttiń Ál-Farabı aýdandyq IIB bul derekke qatysty is qozǵady.
