Senatordyń Shymkent qalasynyń agrarlyq kolledjindegi kezdesýine jergilikti atqarýshy bılik organdarynyń, oblystyq bilim basqarmasynyń ókilderi, saıası partııa músheleri jáne jastar qatysty. Jıynda depýtat Elbasynyń áleýmettik bastamalaryn iske asyrý joldary men tetikterine keńinen toqtaldy. Álı Bektaevtyń aıtýynsha, qazirgi kezde aýyldan qalaǵa jappaı qonys aýdarý máselesi erekshe nazar aýdarýdy talap etip otyr.
«Kóptegen jastar, otbasylar qalaǵa barsaq jumys tabamyz, jaǵdaıymyz jaqsaryp ketedi, úı alamyz degen senimmen qalaǵa kóship jatyr. Kóp azamattar jumys tapqanymen úıi joq. Páter jaldap turady. Balalaryn bala-baqshaǵa bere almaıdy. Sol sekildi tútkilder jıi kezdesedi», dedi Álı Bektaev.
Senator Elbasynyń bes áleýmettik bastamasyndaǵy jeńildetilgen paıyzben baspana alý múmkindigi dál osy aýyldan kelgen adamdarǵa úlken kómek bolatynyn atap ótti.
Senatordyń Túrkistan qalasyndaǵy Qoja Ahmet Iаsaýı atyndaǵy Halyqaralyq qazaq-túrik ýnıversıtetinde professorlar-oqytýshylar quramymen jáne stýderttermen kezdesýinde bilim-ǵylymdy damytý máseleleri týraly aıtyldy. Memleket basshysynyń bes áleýmettik bastamasynda aıtylǵan qosymsha beriletin bilim granttary, jataqhana qurylysyna baılanysty ustazdar qaýymy men stýdentter qoldaý bildirip, óz oılaryn ortaǵa saldy.
Depýtat Á.Bektaev Otyrar aýdanynda Sháýildir aýylynyń tuǵyndarymen kezdesti. Júzdesýde Elbasynyń bastamasyndaǵy jeńildetilgen nesıe alý múmkindikteri, salyq júktemesin tómendetý, joǵary oqý oryndarynda bilim alýdaǵy jańalyqtar jaıynda keńinen áńgime boldy.
